Bɔɔ Mɔde Nɛ O Na Bɔ Nɛ Níhi Ya Nɔ Ha a Tsuo

Ke o ngɛ Baiblo ɔ mi sane ɔmɛ kanee ɔ, moo bɔ mɔde kaa o maa le bɔ nɛ níhi ya nɔ ha a tsuo. Moo kase níhi nɛ ya nɔ ngɛ sane ɔ mi, nihi nɛ a tu a he munyu ngɛ nɔ́ nɛ o ngɛ kanee ɔ mi kɛ nɔ́ he je nɛ a pee a ní ngɛ sane nɛ o ngɛ kanee ɔ mi ɔ. Ngɔɔ o juɛmi kɛ po níhi nɛ ya nɔ ɔ he foni nɛ o bɔ mɔde kaa o maa po bɔ nɛ níhi pɛ ha kɛ bɔ nɛ a he via ha a hu he foni ngɛ o juɛmi mi, nɛ o bɔ mɔde kaa o maa nu he kaa bɔ nɛ nihi nɛ o ngɛ a he ní kanee ɔ nu he ha a.

NYƐƐ HYƐ VIDEO NƐ JI, HA NƐ O BAIBLO KANEMI NƐ NU TSO​—FÃ KO, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni níhi nɛ eko ɔ, e ha we nɛ Yosef nyɛmimɛ ɔmɛ nɛ a hi si saminya a?

• 

  Mɛni ní komɛ nɛ eko ɔ, e ha nɛ Yosef nyɛmimɛ ɔmɛ daa a he numi nɔ kɛ peeɔ níhi be komɛ, nɛ a susuu we nɔ́ nɛ maa je mi kɛ ba a he ɔ?

• 

  Mɛni wa ma nyɛ maa kase ngɛ Ngmami ɔ mi kɛ kɔ Yakob he?

• Mɛni nɔ hyɛmi nɔ́ kpakpa nɛ Yakob pee ha e bimɛ ɔmɛ ngɛ bɔ nɛ a ma dla pɛ ha a he?

• Mɛni o kase ngɛ video nɛ ɔ mi?