Yehowa Poɔ E We Bi A He Piɛ

Hetsɔmi ɔ kekleekle nɔ́ nɛ Israel bi ɔmɛ ye ɔ ji nɔ́ ko nɛ he hia wawɛɛ. Jamɛ a gbɔkuɛ ɔ, benɛ Farao na kaa e bitɛte ɔ gbo se ɔ, e de Mose ke: ‘Nyɛɛ te si nɛ nyɛɛ je ye ma mi bi ɔmɛ a kpɛti, nyɛɛ kɛ Israel ma a tsuo, nɛ nyɛ ya ja Yehowa kaa bɔ nɛ nyɛ de ɔ.’ (2Mo 12:31) Yehowa pee enɛ ɔ kɛ tsɔɔ kaa e poɔ e we bi a he piɛ.

Ke wa hyɛ Yehowa we bi a yi nɔ sane mi ɔ, wa naa odase nɛ tsɔɔ kaa Yehowa yaa nɔ nɛ e tsɔɔ e we bi blɔ, nɛ e poɔ a he piɛ. “A People for Jehovah’s Name” nito he ɔ nɛ ngɛ asafo ɔ ní tsumi yi ɔ maa munyu nɛ ɔ nɔ mi.

NYƐƐ HYƐ VIDEO NƐ JI, SI SLAAMI NGƐ WARWICK NITO HE Ɔ: “A PEOPLE FOR JEHOVAH’S NAME,” LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni nɛ Baiblo Kaseli ɔmɛ kɛ tsu ní ngɛ jeha 1914 ɔ mi konɛ a ná hemi kɛ yemi ngɛ Baiblo ɔ mi, nɛ mɛni se nami lɛ je mi kɛ ba?

• 

  Mɛni kahi nɛ Baiblo Kaseli ɔmɛ kɛ kpe ngɛ jeha 1916 kɛ 1918 ɔ mi, nɛ mɛni odase lɛ ngɛ nɛ́ tsɔɔ kaa Yehowa ngɛ asafo ɔ kudɔe?

• 

  Ngɛ si temi kɛ womi nɛ a kɛ ba a nɔ ɔ tsuo se ɔ, mɛni Yehowa we bi pee kɛ da si kpɛii nɛ a ngmɛɛ we a hemi kɛ yemi ɔ he?

• 

  Mɛni sisi numi ehe nɛ Yehowa we bi ná ngɛ jeha 1935 ɔ mi, nɛ kɛ enɛ ɔ ná a nɔ he wami ha kɛɛ?

• Ke o ya slaa si ngɛ nito he nɛ ɔ aloo o ya slaa si ngɛ asafo ɔ ní tsumi kɔni ɔ nɛ ngɛ o ma a mi ɔ, mɛni o na nɛ wo o hemi kɛ yemi ɔ mi he wami kaa Yehowa ngɛ e we bi kudɔe, nɛ e ngɛ a he piɛ poe?