Anɛ O Ma Nyɛ Maa Ngɔ O Be Kɛ O He Wami Kɛ Ye Bua Lo?

Kaa bɔ nɛ Yesaya gba kɛ fɔ si ɔ, Yehowa blɔ nya tomi ɔ fã nɛ ngɛ zugba a nɔ ɔ ngɛ hɛ mi yae wawɛɛ pe be ko nɛ be ɔ. (Yes 54:2) Enɛ ɔ he ɔ, e biɔ nɛ a ma Matsɛ Yemi Asahi, Kpe Peemi Asahi, kɛ asafo ɔ ní tsumi kɔnihi. Ke a gbe tsu nɛ ɔmɛ a mami nya a, e he hia nɛ a hyɛ nɔ, nɛ ekomɛ hu ngɛ nɛ pee se ɔ, e ma bi nɛ a dla mɛ. Mɛni he blɔhi nɛ enɛ ɔ haa nɛ wa náa konɛ waa ngɔ wa be kɛ wa he wami kɛ tsu ní ha Yehowa?

• Wa ma nyɛ maa ye bua kɛ dla Matsɛ Yemi Asa a nɔ ke e su be nɛ wa fiɛɛmi yami kuu ɔ ma dla lejɛ ɔ

• Wa ma nyɛ maa ngɔ wa he kɛ ha konɛ a tsɔse wɔ kɛ ha Matsɛ Yemi Asa a nɔ hyɛmi

• Wa ma nyɛ maa ngma Local Design/Construction Volunteer Application (DC-50) womi ɔ nɔ ní konɛ wa nyɛ nɛ waa ye bua ngɛ asafo ɔ tsuhi a mami kɛ dlami mi be komɛ ngɛ he nɛ kɛ wa he kɛ we ɔ

• Wa ma nyɛ maa ngma Application for Volunteer Program (A-19) womi ɔ nɔ ní konɛ waa kɛ otsi kake loo nɔ́ nɛ pe jã nɛ ya ye bua ngɛ Betel aloo ngɛ asafo ɔ ní tsumi kɔni kpa

NYƐƐ HYƐ VIDEO NƐ JI, BLƆ NYA TOMI KƐ HA TSU EHE KO MAMI​—FÃ KO, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni blɔ nɔ nɛ waa kɛ videohi tsu ní wawɛɛ kɛ je jeha 2014 ɔ?

• Bɔ nɛ pee nɛ wa ná videohi fuu nɛ wa kɛ tsu ní ngɛ wa Mawu jami mi ɔ, mɛni tsu nɛ a ngɛ he blɔ nya toe kaa a maa ma, mɛni be nɛ a to kaa a maa je sisi nɛ mɛni be a to kaa a maa gbe nya?

• Mɛni blɔ nɔ nɛ nihi ma nyɛ maa gu ye bua ngɛ ní tsumi nɛ ɔ mi?

• Ke wa suɔ nɛ waa ye bua kɛ ma asafo ɔ tsu ngua ko ɔ, mɛni he je nɛ e sa nɛ waa ngma (DC-50) blɔ bimi womi ɔ nɔ ní nɛ waa ye bua Local Design/Construction nɛ kɛ wa he kɛ we ɔ?

• Mɛni odase lɛ tsɔɔ kaa Yehowa ngɛ ní tsumi nɛ ɔ kudɔe?

• Ke wa be nyɛe maa ngɔ wa he kɛ ha nɛ wa ya ye bua ngɛ tsu mami ní tsumi nɛ ɔ mi ɔ, mɛni wa ma nyɛ maa pee kɛ fĩ se?