KRISTOFOHI A SI HIMI
Nihewi Kɛ Yihewi—Anɛ Yehowa Ji Nyɛ Huɛ Nɛ Pe Kulaa Lo?
Mɛni suhi nɛ o maa suɔ kaa o na ngɛ nɔ ko nɛ o kɛ lɛ maa pee huɛ ɔ he? E ngɛ heii kaa o maa suɔ nɛ e pee nɔ ko nɛ e yeɔ anɔkuale, e mi mi jɔ nɛ e haa nɔ nɔ́ faa. Yehowa jeɔ su nɛ ɔmɛ tsuo kpo. (2Mo 34:6; Nít 14:17) Ke o sɔle ha lɛ ɔ, e buɔ tue. Ke o hia yemi kɛ buami ɔ, e yeɔ bua mo. (La 18:19, 35) E ngɔɔ o tɔmihi kɛ keɔ mo. (1Yo 1:9) Yehowa ji huɛ nɛ se be!
Mɛni o maa pee konɛ o pee Yehowa huɛ? Moo kase e he ní kɛ gu e Munyu ɔ nɛ o maa kane ɔ nɔ. Mo de lɛ o laami mi sanehi tsuo. (La 62:8; 142:2) Ngɔɔ o ní peepee kɛ tsɔɔ kaa o bua jɔ níhi nɛ a he hia Yehowa a he. Ní nɛ ɔmɛ ekomɛ ji, e Bi ɔ, e Matsɛ Yemi ɔ, kɛ níhi nɛ e wo si kaa e maa pee hwɔɔ se ɔ. O kɛ nihi nɛ sɛɛ e he ní. (5Mo 32:3) Ke huɛ bɔmi gbagbanii ngɛ o kɛ Yehowa nyɛ kpɛti ɔ, e maa pee o Huɛ kɛ ya neneene.—La 73:25, 26, 28.
NYƐƐ HYƐ VIDEO NƐ JI, NIHEWI KƐ YIHEWI—‘NYƐƐ SA NYƐ NYA NƐ NYƐ MAA NA KAA YEHOWA HI,’ LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni blɔ nɔ o maa gu kɛ dla o he kɛ ha he nɔ jɔɔmi kɛ baptisimi?
Ngɛ mɛni blɔ nɔ nɛ nihi nɛ a ngɛ asafo ɔ mi ɔ ma nyɛ maa ye bua mo konɛ o sɔmɔ Yehowa?
Ngɛ mɛni blɔ nɔ nɛ fiɛɛmi ní tsumi ɔ haa nɛ huɛ bɔmi nɛ ngɛ o kɛ Yehowa nyɛ kpɛti ɔ mi waa?
O kɛ Yehowa ma nyɛ maa pee huɛ kɛ ya neneene!
Mɛni ní tsumihi nɛ o ma nyɛ ma tsu ngɛ Yehowa sɔmɔmi mi?
Mɛni lɛ o bua jɔ he ngɛ Yehowa he?