Wa He Nɛ Maa Be Ngɛ Fiɛɛmi Ní Tsumi ɔ Mi​—Odase Nɛ Wa Maa Ye Ngɛ Tɛlifoo Nɔ

NƆ́ HE JE NƐ E HE HIA: Odase nɛ wa yeɔ ngɛ tɛlifoo nɔ ɔ ji blɔ nɛ he hia nɛ wa guɔ nɔ kɛ ‘yeɔ sane kpakpa a he odase kɛ piɔ si.’ (Nít 20:24)a E yeɔ bua wɔ nɛ wa nyɛɔ nɛ wa fiɛɛɔ kɛ haa nihi ke si fɔfɔɛ ɔ ha nɛ wa nyɛ we nɛ waa ya a ngɔ.

BƆ NƐ O MAA PEE LƐ HA:

• 

  Mo dla o he. Moo hla munyuyi nɛ sa. Lɔ ɔ se ɔ, moo ngma níhi nɛ o suɔ kaa o ma de ɔ kɛ fɔ si. Jehanɛ hu ɔ, o ma nyɛ ma dla munyu kpiti ko nɛ o maa tu kɛ tsɔɔ nɔ́ he je nɛ o fia ke e ba mi kaa wetsɛ ɔ be, nɛ o nu ngɛ klama a nɔ kaa o ma nyɛ ma si sɛ. E maa hi kaa o maa hi si ngɛ okplɔɔ se konɛ o hɛɛ níhi nɛ o ngma kɛ fɔ si ɔ kɛ ní kpahi nɛ he maa hia mo kaa o fon aloo o tablɛti loo kɔmpiuta, nɛ́ o bli JW Library^® aloo jw.org^® ɔ ngɛ nɔ

• 

  Mo ná tsui kɛ tu munyu. Moo tu munyu kaa bɔ nɛ o tuɔ munyu daa a. Muɔ nɛ hi o nya he, nɛ́ o pee o ní kaa nɔ́ nɛ nɔ ɔ daa si ngɛ o hɛ mi nɛ e ngɛ mo hyɛe. Ke o ngɛ munyu tue ɔ, koo hi mlɛe kpamkpam. E maa hi kaa o ma ha nɛ nɔ kake loo nihi enyɔ maa piɛɛ o he. Ke wetsɛ ɔ bi sane ko ɔ, moo ti mi konɛ nɔ nɛ piɛɛ o he ɔ nɛ e nyɛ nɛ e ye bua mo kɛ hla heto ɔ

• 

  Tsɔɔ wetsɛ ɔ nɔ́ nɛ nyɛ maa kase pee se. Ke nɔ ɔ bua jɔ munyu ɔ he ɔ, o ma nyɛ ma si sane bimi ko ha lɛ, konɛ ke o kpale fia lɛ ɔ, o tsɔɔ lɛ heto ɔ. O ma nyɛ ma de lɛ hu kaa o kɛ womi ko maa mane lɛ kɛ gu e-mail nɔ, aloo mo nitsɛ o kɛ ma ya ha lɛ, aloo o kɛ maa mane lɛ kɛ gu posɔfisi. Aloo o ma nyɛ ma de lɛ ke o kɛ wa video ɔ eko aloo munyu ko nɛ ngɛ asafo ɔ womi ko mi ɔ maa mane lɛ kɛ gu text message aloo e-mail nɔ. Ke e maa hi ɔ, mo de lɛ nɛ e ya wa wɛbsaiti ɔ nɔ, nɛ e maa na ní kpahi ngɛ lejɛ ɔ