Yaa Nɔ Nɛ O Kɛ Wa Womi Tɛtlɛɛ Ɔmɛ Nɛ Tsu Ní

Kɛ je jeha 2018 ɔ, womi tɛtlɛɛhi nɛ waa kɛ haa nihi ngɛ ma a mi ɔ eko fɛɛ eko tuɔ munyuyi kake pɛ he munyu. Womi tɛtlɛɛ nɛ ɔmɛ piɛɛ wa Ní Tsɔɔmi Ga Dade Ɔmɛ a he. Enɛ ɔ he ɔ, waa kɛ ma nyɛ ma tsu ní ngɛ fiɛɛmi mi. Ke wa maa hia blɔ aloo wa yaa he ní ɔ, wa ma nyɛ maa hɛɛ womi tɛtlɛɛ nɛ ɔmɛ eko. A pee we womi tɛtlɛɛ nɛ ɔmɛ kɛ ha Baiblo mi ní kasemi, mohu ɔ, a pee konɛ e ye bua nihi nɛ a kase Mawu he ní fuu.

Ke o kɛ nɔ ko je ní sɛɛmi sisi ɔ, o kɛ lɛ nɛ susu ngmami ko he, nɛ o tu munyuyi ko nɛ e bua maa jɔ he nɛ ngɛ womi tɛtlɛɛ ɔ eko nɔ ɔ he munyu. Kaa nɔ hyɛmi nɔ́ ɔ, ke nɔ ɔ ngɛ bimɛ aloo e ngɛ aywilɛho yee aloo nɔ́ ko ngɛ lɛ haoe ɔ, o ma nyɛ ma de ke: “I kane nɔ́ ko nɛ tu nɔ́ nɛ ɔ he munyu nɛ ma nyɛ maa ye bua mo. O maa suɔ nɛ ma kɛ tsɔɔ mo lo?” Ke jamɛ a ligbi ɔ ji kekle ligbi nɛ o ya na nɔ ɔ po, se o na kaa e bua jɔ munyu ɔ he ɔ, o ma nyɛ ma ha lɛ womi tɛtlɛɛ ɔ eko aloo o ma nyɛ maa mane lɛ womi ɔ kɛ e-mail nɔ. E ngɛ mi kaa pi womihi nɛ wa ma ha nihi ɔ ji oti nɛ waa kɛ ma wa hɛ mi mohu lɛɛ, se lɔ ɔ maa ye bua wɔ nɛ wa maa na nihi nɛ a suɔ kaa a kɛ níhi nɛ a kaseɔ ɔ ma tsu ní.​—Nít 13:48.

2018

2019

2020