Mo Dla O He Be Fɛɛ Be Ngɛ “Nyagbe Ligbi Ɔmɛ” A Nyagbe Be ɔ Mi

Ngɛ “nyagbe ligbi ɔmɛ” a nyagbe be nɛ ɔ mi ɔ, wa hyɛɔ blɔ kaa waa kɛ haomihi nɛ a mi wa wawɛɛ maa kpe. (2Ti 3:1; Mat 24:8) Be fɛɛ be nɛ Yehowa we bi kɛ oslaa ko maa kpe ɔ, a náa blɔ tsɔɔmi ngɛ be nya nɛ e poɔ a he piɛ. Lɔ ɔ he ɔ, huɛ bɔmi nɛ maa hi waa kɛ Yehowa wa kpɛti kɛ wa he nɛ wa ma dla kɛ to amlɔ nɛ ɔ, ma nyɛ ma he wa yi wami ngɛ jamɛ a be ɔ mi.​—Luk 16:10.

• Ha nɛ huɛ bɔmi kpakpa nɛ hi o kɛ Yehowa nyɛ kpɛti: Moo to blɔ nya nɛ o kase Baiblo ɔ nɛ o pee dɛ he ní kasemi be fɛɛ be nɛ́ o ko po mi. Moo kase bɔ nɛ o ma tsu fiɛɛmi ní tsumi ɔ fã slɔɔto ɔmɛ eko fɛɛ eko ha. O tsui ko po ke o kɛ asafo ɔ nyɛ we nɛ e kpe be bɔɔ ko ɔ. (Yes 30:15) Yehowa kɛ Yesu ngɛ o kasa nya be fɛɛ be.​—od-E 176 ¶15-17

• Mo dla níhi kɛ to o he be fɛɛ be: Ngɛ baagi nɛ wa ma dla níhi kɛ to ngɛ mi ɔ se ɔ, e sa nɛ wa ti nɔ fɛɛ nɔ nɛ to niye ní, nyu, tsopa kɛ ní kpahi nɛ a he maa hia a he blɔ nya ke e ma bi nɛ waa hi he kake be kɛkɛɛ.​—Abɛ 22:3; g17.5-E 4, 6

NYƐƐ HYƐ VIDEO NƐ JI, ANƐ O DLA O HE KƐ HA ADEBƆ MI OSLAAHI LO? LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni wa maa pee konɛ huɛ bɔmi kpakpa nɛ hi waa kɛ Yehowa wa kpɛti loko oslaa nɛ ba a?

• 

  Mɛni he je nɛ e he hia nɛ . . .

  • waa kɛ asafo mi nikɔtɔma amɛ nɛ sɛɛ ní be fɛɛ be ɔ?

  • wa hla oslaa be mi baagi kɛ to ɔ?

  • wa susu oslaahi nɛ ma nyɛ maa ba kɛ nɔ́ nɛ wa ma nyɛ maa pee ke oslaa ko ba a he ɔ?

• 

  Mɛni blɔ etɛ komɛ a nɔ nɛ wa ma nyɛ maa gu kɛ ye bua nihi ke oslaa ná mɛ?

MO BI O HE KE, ‘Mɛni nɛ COVID-19 hiɔ nɛ ɔ nɛ ba a ma nyɛ ma ha nɛ ma kase kɛ kɔ ye he nɛ e sa kaa ma dla kɛ to ɔ he?’