KRISTOFOHI A SI HIMI
Ngɔɔ O Juɛmi Kɛ Ma Yehowa Nɔ Be Fɛɛ Be
Ke e he wa kaa wa ma ná ní tsumi ma tsu ɔ, lɔ ɔ ma nyɛ ma ha nɛ e he maa wa ha wɔ kaa waa kɛ Matsɛ Yemi ɔ kɛ níhi nɛ da ngɛ Mawu hɛ mi ɔ maa ye kekle blɔ he ngɛ wa si himi mi. Enɛ ɔ ma nyɛ ma ha nɛ waa kplɛɛ ní tsumi nɛ be hae nɛ wa ná be kɛ ha Yehowa sɔmɔmi aloo ní tsumi nɛ ma ha nɛ wa tɔ̃ Baiblo sisi tomi mlaahi a nɔ ɔ nɔ. Se kɛ̃ ɔ, wa ngɛ nɔ mi mami kaa Yehowa jeɔ e he wami ɔ kpo ngɛ nihi nɛ a “yeɔ lɛ anɔkuale” ɔ a blɔ fa mi nɛ e yeɔ bua mɛ. (2Kron 16:9) Nɔ́ ko be nyɛe maa tsi wa Tsɛ nɛ ngɛ suɔmi ɔ nya kaa e ko ye bua wɔ nɛ́ e ko ha wɔ wa hiami níhi. (Ro 8:32) Enɛ ɔ he ɔ, ke wa ngɛ yi mi kpɔ mwɔe ngɛ nɔ́ nɛ wa ma tsu he ɔ, e sa nɛ waa ngɔ wa hɛ kɛ fɔ Yehowa nɔ nɛ waa ngɔ wa juɛmi kɛ ma e sɔmɔmi nɔ.—La 16:8.
NYƐƐ HYƐ VIDEO NƐ JI, O KƐ O SUSUMA TSUO NƐ TSU NÍ HA YEHOWA, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni he je nɛ Jason sume nɛ e maa ngɔ sika a?
Kɛ Kolose Bi 3:23 ɔ kɔɔ wa he ha kɛɛ?
Kɛ Jason nɔ hyɛmi nɔ́ kpakpa a ná Thomas nɔ he wami ha kɛɛ?
Ha Yehowa nɛ e kudɔ mo ngɛ o yi mi kpɔ mwɔmi kɛ o ní peepeehi a mi
Kɛ Mateo 6:22 ɔ kɔɔ wa he ha kɛɛ?