“Suɔmi . . . Ngɔɔ E Hɛ Kɛ Fɔɔ Níhi Tsuo A Nɔ”

Akɛnɛ wa suɔ wa nyɛmimɛ ɔmɛ he je ɔ, wa ngɛ hɛ kɛ nɔ fɔmi ngɛ a mi kaa a maa pee nɔ́ nɛ da. (1Ko 13:4, 7) Kaa nɔ hyɛmi nɔ́ ɔ, ke nyɛmi ko pee yayami nɛ a tsɔse lɛ ɔ, wa ngɛ hɛ kɛ nɔ fɔmi kaa e maa kplɛɛ tsɔsemi ɔ nɔ nɛ e maa pee tsakemi. Wa toɔ wa tsui si kɛ haa nihi nɛ a hemi kɛ yemi mi wɛ ɔ, nɛ wa bɔɔ mɔde kaa wa maa ye bua mɛ. (Ro 15:1) Ke nɔ ko je asafo ɔ mi po ɔ, wa ngɛ hɛ kɛ nɔ fɔmi kaa e maa kpale kɛ ba ligbi ko.​—Luk 15:17, 18.

NYƐƐ HYƐ VIDEO NƐ JI, MO KAI BƆ NƐ SUƆMI PEEƆ E NÍ HA​—E NGƆƆ E HƐ KƐ FƆƆ NÍHI TSUO A NƆ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni he je nɛ Abner ba fĩ David se jehanɛ ɔ?

• Kɛ David kɛ Yoab tsuo pee a ní ngɛ nɔ́ nɛ Abner de ɔ he ha kɛɛ?

• Mɛni he je nɛ e sa kaa wa ná hɛ kɛ nɔ fɔmi kaa wa nyɛmimɛ ɔmɛ maa pee nɔ́ nɛ da a?