Gba Si Himi​—Kake Peemi Nɛ Hiɔ Nyumu Kɛ Yo A Kpɛti A Wami Be Tsuo

Kristofohi a gba si himi nɛ ye manye ɔ woɔ Yehowa hɛ mi nyami nɛ e haa nɛ nyumu ɔ kɛ yo ɔ a bua jɔɔ. (Mak 10:9) Loko Kristofohi a gba si himi maa hi si kɛ yaa daa nɛ bua jɔmi maa hi mi ɔ, e sa nɛ a kɛ Baiblo sisi tomi mlaahi nɛ tsu ní ke a ngɛ nɔ nɛ a kɛ maa sɛ gba si himi mi ɔ hlae.

Nile ngɛ mi kaa o kɛ nɔ ko be nyɛɛe kɛ ha gba si himi mi sɛmi kɛ yaa si be nɛ o maa be “nihewi a we akɔnɔ be ɔ nya” he lolo. Jamɛ a be ɔ ji be nɛ bɔmi nami he akɔnɔ nya wa a, nɛ lɔ ɔ ma nyɛ ma ha nɛ e he maa wa ha mo kaa o maa mwɔ yi mi kpɔ nɛ da. (1Ko 7:36) Moo ngɔ be nɛ o kɛ sɛ we gba si himi mi ɔ kɛ wo huɛ bɔmi nɛ ngɛ o kɛ Mawu nyɛ kpɛti ɔ mi he wami nɛ o kɛ ná Kristofohi a su kpakpahi. Lɔ ɔ maa ye bua mo konɛ o pee babauu kɛ ha nɛ o gba si himi ɔ nɛ ye manye.

Loko o maa mwɔ o yi mi kpɔ kaa o kɛ nɔ ko maa sɛ gba si himi mi ɔ, mo he be kɛ lɛ bɔ nɛ nɔ ɔ ngɛ ha tutuutu ‘ngɛ e tsui mi.’ (1Pe 3:4) Ke o yi mi ngɛ mo enyɔɔnyɔ pee ngɛ ní komɛ nɛ a hia wawɛɛ ɔ he ɔ, o kɛ nɔ nɛ o ngɛ hlae nɛ o kɛ maa sɛ gba si himi mi ɔ nɛ sɛɛ he ní. Kaa bɔ nɛ e ji ngɛ huɛ bɔmi fɛɛ huɛ bɔmi mi ɔ, e sa nɛ o ngɔ o juɛmi kɛ ma nɔ́ nɛ o ma nyɛ maa pee kɛ ha nɔ nɛ o kɛ lɛ maa sɛ gba si himi mi ɔ nɔ mohu pe nɔ́ nɛ o ma ná kɛ je mi. (Flp 2:3, 4) Ke o kɛ Baiblo sisi tomi mlaahi tsu ní loko o sɛ gba si himi mi ɔ, e be yee ha mo kaa o maa ya nɔ maa pee jã ke o sɛ gba si himi mi, nɛ lɔ ɔ ma ha nɛ bua jɔmi maa hi o gba si himi ɔ mi.

NYƐƐ HYƐ VIDEO NƐ JI, O HE NƐ O MA DLA KƐ HA GBA SI HIMI MI SƐMI​—FÃ 3: ‘BUU NYA NƐ O HYƐ.’ LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Kɛ nyɛmiyo ɔ kɛ Shane huɛ bɔmi ɔ plɛ kɛ ya nɔ ha kɛɛ?

• Mɛni nɛ nyɛmiyo ɔ yɔse benɛ e bɔni lɛ lemi saminya a?

• Mɛni blɔ nɔ nɛ e fɔli ɔmɛ gu kɛ ye bua lɛ, nɛ mɛni yi mi kpɔ nɛ nile ngɛ mi nɛ e mwɔ?