Mo Ná Nɔ Mi Mami Kaa O Ma Nyɛ Maa Da Sika He Nyagbahi A Nya

Ngɛ nyagbe ligbi nɛ ɔmɛ a mi ɔ, nyagbahi sɔuu nɛ waa kɛ ngɛ kpee ngɛ si himi mi. Akɛnɛ e be kɛe nɛ je nɛ ɔ maa ba nyagbe he je ɔ, nyagba nɛ ɔmɛ maa ya nɔ nɛ a mi maa wa. Be komɛ po ɔ, wa nine be he lo nya ní komɛ a nɔ sue. (Hab 3:16-18) Mɛni maa ye bua wɔ konɛ wa ná nɔ mi mami kaa wa ma nyɛ maa da sika he nyagbahi nɛ waa kɛ ngɛ kpee ɔ a nya? E sa nɛ waa ya nɔ nɛ waa ngɔ wa hɛ kɛ fɔ Yehowa wa Mawu ɔ nɔ. E wo si kaa e maa hyɛ e sɔmɔli a nɔ, nɛ e ma nyɛ ma ha wɔ wa hiami níhi ngɛ si fɔfɔɛ fɛɛ ko mi.​—La 37:18, 19; Heb 13:5, 6.

Nɔ́ nɛ o ma nyɛ maa pee:

• Mo kpa Yehowa pɛɛ nɛ e tsɔɔ mo blɔ, e ha mo nile, nɛ e ye bua mo.​—La 62:8

• Moo pee klaalo kaa o ma tsu ní tsumi nɛ eko ɔ, be ko nɛ be ɔ, o be tsue ɔ.​—g-E 1/10 8-9, dakahi

• Moo bɔ mɔde nɛ o kane Mawu Munyu ɔ, o ya asafo mi kpehi, nɛ o kɛ o he nɛ wo fiɛɛmi ní tsumi ɔ mi be fɛɛ be.

NYƐƐ HYƐ VIDEO NƐ JI, MOO MA TSU NƐ MAA DA SI​—‘O BUA NƐ JƆ NÍHI NƐ O NGƐ AMLƆ NƐ Ɔ HE.’ LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nyagbahi nɛ weku komɛ kɛ kpe?

• Mɛni ji nɔ́ nɛ he hia pe kulaa ngɛ si himi mi?

• Mɛni wa ma nyɛ maa pee kɛ ye bua nihi nɛ a kɛ sika he nyagbahi ngɛ kpee ɔ?