NOVEMBER 18-24
LA 107-108
La 7 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. “Nyɛɛ Na Yehowa Si, Ejakaa E Hi”
(Hɛngm. 10)
Kaa bɔ nɛ Yehowa kpɔ Israelbi ɔmɛ kɛ je Babilon ɔ, jã a nɔuu kɛ̃ nɛ e kpɔ wɔ kɛ je Satan je ɔ dɛ mi (La 107:1, 2; Kol 1:13, 14)
Nɔ́ nɛ Yehowa pee ha wɔ nɛ wa bua jɔ he ɔ woɔ wɔ he wami nɛ wa jeɔ e yi ngɛ asafo ɔ mi (La 107:31, 32; mwbr24.11 bf. 2 kk. 4)
Ke wa susu níhi nɛ Yehowa je suɔmi mi nɛ e pee ha wɔ ɔ he ɔ, lɔ ɔ ma ha nɛ suɔmi nɛ wa ngɛ kɛ ha lɛ ɔ mi maa wa (La 107:43; w15 1/15 4 ¶4)
2. Ngmami ɔ Mi Junehi
(Hɛngm. 10)
La 108:9—Mɛni nɛ eko ɔ, Moab nɛ a kɛ to Mawu ‘tsesi nɛ e fɔɔ e nane he ngɛ mi’ ɔ tsɔɔ? (mwbr24.11 bf. 3 kk. 1)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 107:1-28 (th ní kasemi 5)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. (lmd ní kasemi 1 oti 4)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Tsɔɔ nɔ ɔ blɔ nya nɛ wa to nɛ waa kɛ nihi kaseɔ Baiblo ɔ nɛ wa he we nɔ́ ko ɔ, nɛ o ha lɛ Baiblo kasemi kaadi ɔ eko. (lmd ní kasemi 9 oti 3)
6. Munyu Tumi
(Hɛngm. 5) ijwyp-E 90—Munyuyi: Kɛ Ma Plɛ Kɛ Yu Ye He Ngɛ Susumi Nɛ Dɛ He Ha Kɛɛ? (th ní kasemi 14)
La 46
7. Wa Laa Kɛ Naa Yehowa Si
(Hɛngm. 15) Ní Sɛɛmi.
Benɛ Yehowa kpɔ Israelbi nɛ a hao ɔ ngɛ Egiptbi tabo nɛ he wa a dɛ mi ngɛ Wo Tsu ɔ mi ɔ, a la kɛ bua jɔmi. (2Mo 15:1-19) Nyumu ɔmɛ nyɛɛ hɛ mi kɛ la la ehe nɛ ɔ. (2Mo 15:21) Yesu kɛ Kristofohi nɛ a hi si ngɛ kaseli ɔmɛ a be ɔ mi ɔ hu la kɛ je Mawu yi. (Mat 26:30; Kol 3:16) Wa guɔ la nɛ wa laa ngɛ asafo mi kpehi, kpɔmi kpehi kɛ kpokpa nɔ kpehi a sisi ɔ nɔ kɛ jeɔ hɛsa kpo ngɛ nɔ́ nɛ Yehowa pee kɛ ha wɔ ɔ he. Kaa nɔ hyɛmi nɔ́ ɔ, kɛ je 1966 nɛ wa bɔni la nɛ wa la kɛ je fã nɛ ɔ sisi nɛ ji, “Wa Naa Mo Si Yehowa” a lami ngɛ wa kpe ɔmɛ a sisi.
Ngɛ mahi komɛ a nɔ ɔ, eko ɔ, e maa pee nyumuhi zo kaa a ma la ngɛ nihi a hɛ mi. Ni komɛ hu la we akɛnɛ a susu kaa a gbi nguɛ ɔ he je. Se kɛ̃ ɔ, e sa nɛ wa kai kaa lahi nɛ wa laa ngɛ wa kpe ɔmɛ a sisi ɔ piɛɛ wa jami ɔ he. Yehowa asafo ɔ bɔɔ mɔde wawɛɛ nɛ e toɔ lahi a he blɔ nya saminya nɛ a hlaa nɔ́ nɛ sa kɛ ha wa kpe ɔmɛ eko fɛɛ eko. E sa nɛ waa je wa tsui mi nɛ waa kɛ wa nyɛmimɛ nɛ pee kake kɛ la kɛ tsɔɔ kaa wa suɔ wa hiɔwe Tsɛ ɔ, nɛ wa hɛ sa nɔ́ nɛ e pee kɛ ha wɔ ɔ.
Je VIDEO nɛ ji, Asafo ɔ Yi Nɔ Sane Ha Nɛ E Ngɛ Hɛ Mi Yae—La Ji Nike Ní, Fã 2. Lɔ ɔ se ɔ, mo bi tue buli ɔmɛ ke:
Mɛni nɛ ya nɔ ngɛ 1944 ɔ mi nɛ sa kami?
Mɛni nɛ wa nyɛmimɛ nɛ a ngɛ Siberia a pee kɛ tsɔɔ kaa a hɛ sa Matsɛ Yemi la amɛ?
Mɛni he je nɛ lami he hia Yehowa Odasefohi ɔ?
8. Asafo Baiblo Mi Ní Kasemi
(Hɛngm. 30) bt yi 18 ¶6-15