JULY 14-20
ABƐ 22
La 79 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Sisi Tomi Mlaahi Nɛ Nile Ngɛ Mi Nɛ Maa Ye Bua Fɔli Ngɛ Bimɛ A Tsɔsemi Mi
(Hɛngm. 10)
Moo ye bua o bimɛ ɔmɛ nɛ a dla a he kɛ ha si himi nɛ mi wa nɛ a kɛ maa kpe ɔ (Abɛ 22:3; w20.10 27 ¶7)
Ke o fɔ mɛ pɛ ɔ, mo bɔni mɛ tsɔsemi (Abɛ 22:6; w19.12 26 ¶17-19)
Moo je suɔmi mi kɛ tsɔse mɛ (Abɛ 22:15; mwbr25.07 bf. 2 kk. 5)
2. Ngmami ɔ Mi Junehi
(Hɛngm. 10)
Abɛ 22:29—Kɛ waa kɛ abɛ nɛ ɔ ma tsu ní ngɛ níhi nɛ wa peeɔ ngɛ asafo ɔ mi ɔ mi ha kɛɛ, nɛ mɛni se namihi lɛ maa je mi kɛ ba? (w21.08 22 ¶11)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Abɛ 22:1-19 (th ní kasemi 10)
4. Moo Je Ní Sɛɛmi Sisi
(Hɛngm. 3) WEHI A MI FIƐƐMI. (lmd ní kasemi 5 oti 4)
5. Moo Je Ní Sɛɛmi Sisi
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Tsɔɔ nɔ ɔ bɔ nɛ e ma plɛ kɛ na níhi ngɛ jw.org ɔ nɔ nɛ maa ye bua fɔli. (lmd ní kasemi 1 oti 4)
6. Munyu Tumi
(Hɛngm. 5) ijwyp munyu 100—Munyuyi: I Tɔ̃ Mlaa Nɛ A Wo Ngɛ Weku ɔ Mi ɔ Nɔ—Amlɔ Nɛ ɔ Mɛni Ma Pee? (th ní kasemi 20)
La 134
7. Moo To O Tsui Si, Se Koo Ngmɛ Nɔ́ Fɛɛ Nɔ́ Blɔ
(Hɛngm. 15) Ní Sɛɛmi.
Bimɛ a tsɔsemi biɔ tsui si tomi wawɛɛ. E sa nɛ fɔli nɛ a ná be kɛ ha a bimɛ nɛ a bu mɛ tue be fɛɛ be ke a kɛ mɛ ngɛ ní sɛɛe. (5Mo 6:6, 7) Bɔ nɛ pee nɛ fɔli nɛ a le níhi nɛ ngɛ a bimɛ ɔmɛ a tsui mi ɔ, e sa nɛ a bi mɛ sanehi, nɛ ke a ngɛ munyu tue ɔ, a bu mɛ tue saminya. (Abɛ 20:5) Eko ɔ, e he maa hia nɛ fɔli nɛ a tĩ blɔ tsɔɔmi nɛ a kɛ haa a bimɛ ɔ mi si abɔ bɔ nɛ pee nɛ jokuɛwi ɔmɛ nɛ a nu sisi nɛ a kɛ tsu ní.
Se kɛ̃ ɔ, fɔli nɛ a toɔ a tsui si ɔ ngmɛ́ a bimɛ blɔ nɛ a je subai yaya kpo. Yehowa ha mɛ he blɔ konɛ a tsɔɔ a bimɛ ɔmɛ níhi nɛ a ngɛ he blɔ kaa a maa pee kɛ níhi nɛ a be he blɔ kaa a maa pee, nɛ́ ke a bimɛ ɔmɛ gbo tue ɔ, a kɛ tue gblami nɛ sa a nɛ ha mɛ.—Abɛ 6:20; 23:13.
Kane Efeso Bi 4:31. Lɔ ɔ se ɔ, mo bi tue buli ɔmɛ ke:
Mɛni he je nɛ e sɛ nɛ fɔli kɛ abofu nɛ tsɔse a bimɛ ɔ?
Kane Galatia Bi 6:7. Lɔ ɔ se ɔ, mo bi tue buli ɔmɛ ke:
Mɛni he je nɛ e he hia nɛ fɔli nɛ a tsɔɔ a bimɛ kaa ke a pee ní yayamihi ɔ, haomi maa je mi kɛ ba a?
Je VIDEO nɛ ji, ‘Nyɛɛ Kɛ Tsui Si Tomi Nɛ Ná Nyɛ Sibi A He Tsui Ngɛ Suɔmi Mi’—O Bimɛ. Lɔ ɔ se ɔ, mo bi tue buli ɔmɛ ke:
Mɛni o kase ngɛ video ɔ mi?
8. Asafo Baiblo Mi Ní Kasemi
(Hɛngm. 30) lfb “Sɛ Womi Nɛ Je Blɔ Tsɔɔmi Ajla Toli Ɔmɛ A Ngɔ,” fã 1 nya blimi munyu, kɛ ní kasemi 1