Mi Ní

Akɛnɛ wa yi mluku he je ɔ, be komɛ ɔ, sane ko ma nyɛ maa ba waa kɛ wa nyɛmimɛ wa kpɛti. Ngɛ munyu nɛ ɔ mi ɔ, wa maa kase Baiblo sisi tomi mlaahi nɛ maa ye bua wɔ konɛ ke sane ko ba waa kɛ wa nyɛmimɛ wa kpɛti ɔ, wa dla, nɛ́ waa kɛ mɛ nɛ hi si ngɛ tue mi jɔmi mi.

Munyu nɛ ɔ maa ye bua wɔ konɛ waa le nɔ́ he je nɛ wa deɔ ke Yehowa Odasefohi pɛ ji nihi nɛ a ngɛ zugba a nɔ mwɔnɛ ɔ nɛ a ha nɛ gbami nɛ Yesu gba ngɛ Mateo 24:14 ɔ ngɛ mi bae. Munyu nɛ ɔ hu maa ye bua wɔ konɛ waa nu munyu nɛ ji, waa “hɛ nimli kaa a hɛɛ lo” ɔ sisi.​—Mateo 4:19.

Ke o ngɛ yi mi kpɔ mwɔe ngɛ sane ko he ɔ, anɛ o peeɔ nɔ́ nɛ moo o susu kaa e da lo? Aloo o biɔ ni kpahi konɛ a tsɔɔ mo nɔ́ nɛ e sa kaa o pee? Munyu nɛ ɔ maa tsɔɔ wɔ nɔ́ he je nɛ ke wa pueɔ wa yi mi tɛ ngɛ Yehowa Mawu susumi he ɔ, wa maa mwɔ wa yi mi kpɔ ngɛ blɔ nɛ da nɔ ɔ.

Eko ɔ, o pee tsakemi nguanguahi loko a baptisi mo. Se amlɔ nɛ ɔ, anɛ o nuɔ he kaa e yeɔ haa mo kaa o maa pee tsakemihi ngɛ ní tsɔwitsɔwi komɛ a he konɛ o nyɛ nɛ o kase Yehowa kɛ Yesu saminya lo? Munyu nɛ ɔ maa tsɔɔ wɔ nɔ́ he je nɛ e yeɔ haa wɔ kaa wa maa pee tsakemi komɛ kaa jã, kɛ bɔ nɛ Baiblo ɔ ma plɛ kɛ ye bua wɔ ha.

Ngɛ munyu nɛ ɔ mi ɔ, wa maa kase nɔ́ ko nɛ e sɛ kaa waa pee kɔkɔɔkɔ. Jehanɛ hu ɔ, wa maa kase bɔ nɛ wa ma plɛ kɛ ná níhi nɛ Yehowa haa wɔ ɔ a he se ha.