Ni Kasemi 14
Bɔ Nɛ A To Yehowa Odasefohi A He Blɔnya Ha
Mini be Yehowa Odasefohi je sisi ngɛ muɛnɛ muɛnɛ be mi? (1)
Kɛ a peeɔ Yehowa Odasefohi a kpehi kɛɛ? (2)
Kɛ a peeɔ kɛɛ kɛ woɔ a he hiɔhi? (3)
Mɛnɛ mɛ nɛ a nyɛɛ hɛ mi ngɛ asafo fɛɛ asafo mi? (4)
Mini kpe nguahi a peeɔ daa jeha? (5)
Mini a tsuɔ ngɛ a ni tsumi he yi ɔ kɛ e kɔni ni tsumi he ɔmɛ? (6)
1. Muɛnɛ be mi Yehowa Odasefohi je sisi ngɛ jeha 1870 be ɔmɛ a mi. Kleklee ɔ a tsɛ mɛ kɛ Baiblo ɔ Kaseli. Se ngɛ jeha 1931 mi ɔ, a ngɔ Ngmami mi biɛ Yehowa Odasefohi. (Yesaia 43:10) Asafo nɔ je sisi nyafii nɛ a he ba hiɛ hluu kɛ ya su Odasefohi akpekpehi abɔ nɛ a be deka kulaa kɛ fiɛmi ni tsumi ngɛ zugba nɛ pa 230 nɔ.
2. Yehowa Odasefohi asafohi fuu kpee sii etɛ daa otsi. A ngɛ mo tsɛe ke o ba e mi eko fɛɛ eko sisi. (Hebribi 10:24, 25) Baiblo ɔ mi a je kɛ tsɔɔ ni. A kɛ sɔlemi jee kpeɔ sisi nɛ a kɛ gbee nya. A laa “mumi mi lalahi” nɛ je tsui mi ngɛ kpe nɔ mɛ fuu sisi. (Efesobi 5:18, 19) A wui he hiɔ ko, nɛ a he we sika ko ngɛ sisi.—Mateo 10:8.
3. Asafohi fuu peeɔ kpehi ngɛ Matsɛ yemi Asa nɔ. E nɔ mɛ ji tsuhi nɛ a be hwanyaii nɛ Odasefohi nitsɛ ngɔ a he kɛ ha nɛ a ma. O be amagahi, sɛumi tso he okadihi, aloo nihi nɛ ngɛ kaa e nɔ mɛ nae ngɛ Matsɛ Yemi Asa nɔ. A kɛ sika nɛ a je suɔmi mi kɛ ha woɔ e he hiɔ nɛ a bɔ ɔmɛ. Onia daka ngɛ kɛ ha ni hi nɛ a suɔ nɛ a kɛ sika maa ye kɛ bua.—2 Korintobi 9:7.
4. Nikɔtɔmahi aloo nɔ hyɛli ngɛ asafo tsuaa asafo mi. A nyɛɛ hɛ mi ngɛ asafo ɔ ni tsɔɔmi mi. (1 Timoteo 3:1-7; 5:17) Asafo mi sɔmɔli ye ɔ kɛ bua mɛ. (1 Timoteo 3:8-10, 12, 13) A bui nyumu nɔ mɛ kaa nimli nɛ a pa asafo ɔ mi bi kpahi nɛ a piɛɔ. (2 Korintobi 1:24) A tsɛ we mɛ biɛ nguahi aloo sablai pɔtɛɛ ko hu nɔ. (Mateo 23:8-10) A be tade muno ko nɛ a woɔ nɛ ma ha e slo mɛ ngɛ nimli kpahi a he. A be hiɔ ko nɛ a woɔ mɛ ngɛ a ni nɛ a tsuɔ he. Nikɔtɔma amɛ jee a suɔmi mi kɛ hyɛ asafo ɔ mumi mi hiami nihi a nɔ. A ma nyɛ maa jɔɔ nɔ bua nɛ a kɛ blɔ tsɔɔmi ha ngɛ haomi be mi.—Yakobo 5:14-16; 1 Petro 5:2, 3.
5. Yehowa Odasefohi peeɔ kpe nguahi daa jeha. Ngɛ be nɛ ngɛ kaa e nɔ mi ɔ, asafohi fuu buaa a he nya kɛ ha Baiblo mi ni tsɔɔmi nɛ a to he blɔnya pɔtɛɛ ko. Kaseli hehi a baptisi mi ji kpe tsuaa kpe blɔ nya to mi ɔ fa ko nɛ a pɔɔ peemi.—Mateo 3:13-17; 28:19, 20.
6. Yehowa Odasefohi a jemi tsuo ni tsumi he yi ɔ ngɛ New York. Lejɔ ji he nɛ Nɔ Yemi Kuu, nɛ ji nikɔtɔmahi nɛ a ngɛ nihi a si kpami a kuu nɛ hyɛ asafohi nɛ a ngɛ je ɔ mi tsuo a nɔ ngɛ. A ngɛ ni tsumi he kɔni nɛ hiɛ pe 100 ngɛ je ɔ mi tsuo. Nimli nɛ a kɛ a he ha yeɔ kɛ buaa ngɛ hehi nɛ ngɛ kaa e nɔ kɛ peeɔ Baiblo kasemi womi nɛ a kɛ mane ɔ. A kɛ blɔ tsɔɔ mi haa kɛ toɔ fiɛmi ni tsumi ɔ he blɔ nya. Mini he je nɛ o to we blɔ nya konɛ o ya sla ni tsumi he kɔni nɛ e kɛ mo kɛ we ɔ lo?