Mawu Huɛmɛ Kuaa Ní Yayamihi

Satan kaa nihi konɛ a pee ní yayamihi. E he hia kaa nɔ nɛ suɔ nɛ́ e pee Mawu huɛ ɔ, e nyɛ níhi nɛ Yehowa nyɛ ɔ. (La 97:10) Ní komɛ nɛ Mawu huɛmɛ jeɔ a he kɛ jee he ɔ ji nɛ ɔ nɛ:

Bɔmi nami he yayamihi. “Ko puɛ gba.” (2 Mose 20:14) Yo kɛ nyumu nɛ́ a sɛ we gba si himi mi se a hwɔɔ si ji tɔmi.—1 Korintobi 6:18.

Da demi. “Da tɔli . . . nine be Mawu matsɛ yemi ɔ nɔ sue kɔkɔɔkɔ.”—1 Korintobi 6:10.

Nɔ gbemi, Hɔ puɛmi. “Koo gbe nɔmlɔ.”—2 Mose 20:13.

Jumi. “Koo ju.”—2 Mose 20:15.

Lakpa yemi. Yehowa nyɛ “lakpa yemi.”—Abɛ 6:17.

Basabasa peemi kɛ Abofu nɛ Nya Wa. “[Yehowa] nyɛ nɔ nɛ suɔ basabasa peemi.” (La 11:5, NW) “Helo ɔ ní tsumi ɔmɛ [eko ji] . . . abofu yaya.”—Galatabi 5:19, 20, NW.

Asɔ fiɛmi. ‘Nyɛɛ kɛ hɛ tsulɔ ko bɔ.’—1 Korintobi 5:11.

He womi nɔ su kɛ Wɛtso nɛ nɔ ko je mi he Ninyɛ. “Nyɛɛ suɔ nyɛ henyɛli, nɛ nyɛɛ sɔle ha nihi nɛ waa nyɛ yi mi.”—Mateo 5:43, 44.

Níhi nɛ Mawu deɔ wɔ ɔmɛ a he ngɛ se nami ha wɔ. Pi be fɛɛ be nɛ e he wɛ kaa a ma kua ní yayamihi peemi. Yehowa kɛ e we Odasefoli ɔmɛ maa ye bua mo, konɛ o nyɛ nɛ o je o he kɛ je ní yayamihi nɛ sɛ Mawu hɛ mi ɔ he.—Yesaya 48:17; Filipibi 4:13; Hebribi 10:24, 25.