Mɛni Ji Nɔ́ Titli Nɛ Kɛ Bua Jɔmi Baa Weku Mi?

NƆ́ NƐ BAIBLO Ɔ DE

“A gbaa ni nɛmɛ nɛ nuɔ Mawu munyu ɔ, nɛ a yeɔ nɔ ɔ!”​—Luka 11:28, Ngmami Klɔuklɔu ɔ.

BƆNƐ O MA NÁ HE SE HA

Nyɛ ma ná suɔmi nitsɛnitsɛ ha nyɛ sibi.​—Efesobi 5:28, 29.

Nyɛ ma ná bumi nitsɛnitsɛ ha nyɛ sibi.​—Efesobi 5:33.

Nyɛ ma ná si himi nɛ ngɛ slɔkee nitsɛ.​—Marko 10:6-9.

ANƐ WA MA NYƐ MA HE NƆ́ NƐ BAIBLO Ɔ DEƆ MAA YE NIINƐ LO?

Ee, ke e hí kulaa a, ngɛ yi mi tomi enyɔ a heje:

• Mawu lɛ to weku si himi sisi. Baiblo ɔ tsɔɔ kaa Yehowa Mawu lɛ ha ‘nihi tsuo nɛ ngɛ hiɔwe, kɛ zugba a nɔ ɔ biɛ.’ (Efesobi 3:14, 15) Ke wa ma de ngɛ blɔ kpa ko nɔ ɔ, Yehowa lɛ ha nɛ wekuhi ba si himi mi. Mɛni heje nɛ enɛ ɔ he hia a?

  Mo susu nɔ́ nɛ ɔ he nɛ o hyɛ: Ke o ngɛ niye ní ko nɛ e ngɔɔ wawɛɛ yee nɛ o suɔ kaa o le níhi nɛ a kɛ hoo jamɛ a niye ní ɔ, mɛnɔ o ma bi? Nile ngɛ mi kaa o ma bi nɔ nɛ hoo ní ɔ.

  Jã kɛ̃ nɛ ke wa suɔ kaa wa maa le níhi nɛ ma ha nɛ bua jɔmi maa ba weku mi ɔ, nile ngɛ mi kaa wa ma bi Yehowa, nɔ nɛ e to weku si himi sisi ɔ.​—1 Mose 2:18-24.

• Mawu susuɔ o he. Nile ngɛ mi kaa wekuhi maa hla Yehowa ga womi se blɔ. A maa na ga womi nɛ ɔ ngɛ Mawu Munyu ɔ mi. Mɛni heje nɛ e sa kaa a hla Yehowa ga womi se blɔ ɔ? ‘Ejakaa e susuɔ a he.’ (1 Petro 5:6, 7) Yehowa suɔ nɛ e hi ha wekuhi, nɛ e ga womi ɔmɛ a he ngɛ se nami!​—Abɛ 3:5, 6; Yesaya 48:17, 18.