Fã 12 ɔ Nya Blimi Munyu

Yesu tsɔɔ nihi hiɔwe Matsɛ Yemi ɔ he ní. E tsɔɔ mɛ hu kaa a sɔle konɛ Mawu biɛ ɔ he nɛ tsɔ, nɛ Mawu Matsɛ Yemi ɔ nɛ ba, nɛ a pee Mawu suɔmi nya ní ngɛ zugba a nɔ. Ke o ji fɔlɔ ɔ, moo tsɔɔ o bi ɔ bɔ nɛ sɔlemi nɛ ɔ he hia ha. Yesu ngmɛ́ blɔ konɛ Satan nɛ ha nɛ e gbo Mawu tue. Yesu hla e bɔfo ɔmɛ, nɛ mɛ ji nihi nɛ e kɛ mɛ to Matsɛ Yemi ɔ sisi. Yesu hɛ dɔɔ ngɛ anɔkuale jami he. Yesu suɔ kaa e maa ye bua nihi. Enɛ ɔ he ɔ, e tsa hiɔtsɛmɛ, e ha nihi nɛ hwɔ ngɛ mɛ yee niye ní, nɛ e tle ni gbogboehi po si. E pee nyakpɛ ní nɛ ɔmɛ konɛ waa na níhi nɛ Matsɛ Yemi ɔ maa pee kɛ ha adesahi hwɔɔ se.