Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower October 1

“Nihi fuu susuɔ kaa ke wa pee yeyeeye loo wa ngɛ kɔmɔ yee ɔ, e pue we Mawu tsui nɔ. Kɛ moo o susu kɛɛ? [Ngmɛɛ lɛ blɔ nɛ e ha heto. Lɔɔ se ɔ, kane La 34:18.] Munyu nɛ je sisi ngɛ bafa 19 ɔ tsɔɔ bɔnɛ Mawu plɛɔ kɛ yeɔ bua wɔ konɛ wa ko ná susumi yaya kaa se nami ko be wa he, loo wa maa bu wa he fɔ pe bɔnɛ sa” a ha.

Awake! October

“Ni komɛ buu Mawu kaa e ji kɔɔhiɔ ko nɛ ngɛ he wami kɛkɛ. Ni komɛ hu buu lɛ kaa e ji nɔ ko nɛ e ngɛ he numi. Kɛ moo o buu Mawu ha kɛɛ? [Ngmɛɛ lɛ blɔ nɛ e ha heto.] Mo kadi bua jɔmi munyu nɛ ɔ. [Kane 1 Petro 5:6, 7.] Munyu nɛ je sisi ngɛ bafa 29 ɔ da Baiblo ɔ nɔ kɛ ha sane bimi nɛ ji, ‘Anɛ Mawu ji nɔ ko nɛ e ngɛ nitsɛnitsɛ lo?’ ɔ heto.”

The Watchtower November 1

“Wɔ tsuo wa suɔ kaa wa tsui nɛ nɔ wa mi. Anɛ o susu kaa sika lɛ ma ha nɛ wa tsui maa nɔ wa mi ɔ lo? [Ngmɛɛ lɛ blɔ nɛ e ha heto.] Baiblo ngmalɔ ko kase bɔnɛ ke nɔ ko ngɛ ní bɔɔ ko nɛ e bua maa jɔ he ɔ ha. [Kane Filipibi 4:11, 12.] Womi nɛ ɔ tsɔɔ níhi enuɔ nɛ ngɛ Baiblo ɔ mi nɛ ma ha nɛ nɔ tsui maa nɔ e mi.”

Awake! November

“Nihi nɛ a he we yi kaa Mawu ngɛ ɔ daa ní yayamihi nɛ nihi peeɔ ngɛ Mawu biɛ mi ɔ nɔ nɛ a susuɔ kaa, ke jami ko be je ɔ mi ɔ, lɔɔ ma ha nɛ je ɔ mi si himi maa pee kpakpa. Kɛ o susu kɛɛ? [Ngmɛɛ lɛ blɔ nɛ e ha heto.] Moo hyɛ yi mi tomi kake heje nɛ lakpa jami ha nɛ nihi ngɛ haoe ɔ. [Kane 2 Timoteo 4:3, 4.] Womi nɛ ɔ tsɔɔ susumi komɛ nɛ dɛ nɛ nihi nɛ a he we yi kaa Mawu ngɛ ɔ hɛɛ.”