Jehovah’s Witnesses—Faith in Action, Part 2: Let the Light Shine
Benɛ a je Nyɛminyumu Rutherford kɛ nihi nɛ a piɛɛ e he ɔ kɛ je tsu mi ngɛ jeha 1919 ɔ, nítsumi ngua ko ba fɔ si ngɛ Baiblo Kaseli ɔmɛ a kuɛ nɔ. Kaa bɔnɛ e je kpo ngɛ video nɛ e yi ji Jehovah’s Witnesses—Faith in Action, Part 2: Let the Light Shine (Yehowa Odasefoli—A Je A Hemi Kɛ Yemi Kpo, Fã 2: A Ha La a Tso) ɔ mi ɔ, nihi babauu te si kɛ wo Baiblo Kaseli ɔmɛ, Baiblo Kaseli nɛ ɔmɛ ya nɔ nɛ a nu ngmami ɔ sisi, nɛ a tsu a hemi kɛ yemi ɔ hu he. (Abɛ 4:18; Mal. 3:1-3; Yoh. 15:20) Ke o hyɛ video ɔ ta a, hyɛ kaa o ma nyɛ ma ha sane bimi nɛ ɔmɛ a heto lo?
(1) Mɛni blɔhi a nɔ nɛ Baiblo Kaseli ɔmɛ gu kɛ gbɛ sane kpakpa a kɛ fia? (2) Mɛni ya nɔ ngɛ kpe klɛdɛɛ komɛ nɛ a pee ngɛ 1931 kɛ 1935 ɔ a sisi? (3) Mɛni sa kadimi ngɛ Watchtower nɛ je kpo ngɛ November 1, 1939 ɔ he? (4) Moo tsɔɔ nɔ́ nɛ ya nɔ ngɛ Madison Square Garden benɛ Nyɛminyumu Rutherford ngɛ munyu nɛ e yi ji “Government and Peace” tue ɔ. (5) Mɛni sa kadimi ngɛ Nyɛminyumu Knorr munyu nɛ e tu nɛ e yi ji “Peace—Can It Last” ɔ he? (6) Mɛni blɔ nya Yehowa Odasefoli to ngɛ jeha 1942 konɛ a kɛ bli a fiɛɛmi nítsumi ɔ mi? (7) Moo tsɔɔ sane komɛ nɛ a ye ngɛ kojomi he ngɛ United States, Canada, kɛ Greece. (8) Mɛni blɔ nɔ Gilead sukuu ɔ ha fiɛɛmi nítsumi ɔ ya hɛ mi ngɛ? (9) Mɛni nítsumi nɛ he hia lɛ a je sisi ngɛ 1946, nɛ mɛni heje? (10) Mɛni Yehowa Odasefoli pee konɛ lɔɔ nɛ ha a je mi bami kɛ sisi tomi mlaahi nɛ ngɛ Baiblo ɔ mi ɔ nɛ kɔ? (11) Moo tsɔɔ tsakemi komɛ nɛ a pee ngɛ 1970 jeha amɛ a mi konɛ lɔɔ nɛ ha nɛ bɔnɛ asafo ɔ peeɔ e ní ha a kɛ níhi nɛ ngɛ Baiblo ɔ mi ɔ nɛ kɔ. (12) Ngɛ mɛni blɔ nɔ video nɛ ɔ nɛ o hyɛ ɔ ha nɛ o ná hɛsa nɛ mi wa kaa Yehowa ngɛ níhi kudɔe nɛ e we asafo ji nɛ ɔ nɛ? (13) Mɛni blɔ nɔ video nɛ ɔ ha nɛ o yi mi kpɔ nɛ o mwɔ kaa o kɛ kã maa ya nɔ maa fiɛɛ ngɛ yi mi wami nɛ o kɛ maa kpe tsuo se ɔ mi wa ngɛ? (14) Mɛni blɔ nɔ wa maa gu nɛ́ waa kɛ video nɛ ɔ nɛ ye bua wa wekuli kɛ wa Baiblo kaseli, kɛ ni kpahi?
Daa ligbi ɔ, Yehowa Odasefoli náa nɔ́ ehe ko kɛ piɛɛɔ a yinɔ sane he. Mɛni a ma nyɛ ma de ngɛ wa mɔde bɔmi ngɛ fiɛɛmi nítsumi ɔ mi ɔ he? Nyɛ ha waa ya nɔ nɛ waa kɛ kã nɛ ha ‘la a nɛ tso’ kaa bɔnɛ wa nyɛmimɛ ɔmɛ pee kɛ be ɔ!—2 Kor. 4:6.