Fiɛɛmi Munyuhi

Matsɛ Yemi Sɛ Gbi 38

“Wa ngɛ sɛ gbi nɛ he hia nɛ ngɛ womi nɛ ɔ mi ɔ gbae ha nihi ngɛ je kɛ wɛ. O nɔ́ ji nɛ ɔ nɛ.”

Kadi: Bɔnɛ pee nɛ wa tsu zugba kpɔ ɔ tsuo mi ní ɔ, koo tu munyu gagaaga. Se ngɛ be komɛ a mi ɔ, wetsɛ ɔ ma ná munyu ɔ he bua jɔmi nitsɛ, nɛ e maa suɔ nɛ nyɛ tsa ní sɛɛmi ɔ nɔ. Ke jã a, o ma nyɛ ma bi lɛ nɛ e tsɔɔ e juɛmi ngɛ sane bimi nɛ ngɛ womi ɔ hɛ mi ɔ he, nɛ o kane heto nɛ Baiblo ɔ kɛ haa kaa bɔnɛ a ngma ngɛ womi ɔ mi ɔ, nɛ o kɛ lɛ nɛ susu womi ɔ mi munyu ɔ ekomɛ a he ke be ngɛ. Loko o maa je ɔ, ngɔɔ sane bimi nɛ ngɛ womi ɔ se, ngɛ munyu nɛ ji, “Mo Susu He Nɛ O Hyɛ” ɔ sisi ɔ kɛ tsɔɔ lɛ, nɛ o to blɔ nya nɛ o kpale ya slaa lɛ konɛ nyɛ susu he.

Hwɔɔmi Mɔ December 1

“Nihi be deka kulaa ligbi etɛ nɛ ɔ, lɔɔ he ɔ, e he wa ha nihi kaa a ma susu Mawu he. Anɛ o susu kaa wa hia Mawu ngɛ wa si himi mi lo? [Ngmɛɛ lɛ blɔ nɛ e ha heto.] Yesu de ngɛ e Yoku ɔ nɔ Fiɛɛmi munyu nɛ nihi le wawɛɛ ɔ mi kaa e he hia nɛ wa ná Mawu jami mi su kpakpahi loko wa ma ná bua jɔmi nitsɛ. [Kane Mateo 5:3.] Womi tɛtlɛɛ nɛ ɔ tsɔɔ yi mi tomi etɛ heje nɛ wa hia Mawu.”

Awake! December

“Wa kpɛti nihi fuu daa amaniɛ bɔmihi nɛ a nuɔ loo a kaneɔ ngɛ adafi fiami womihi a mi ɔ nɔ kɛ peeɔ juɛmi. Anɛ o susu kaa amaniɛ bɔmihi nɛ wa hii nue ɔ da nɛ a ji anɔkuale lo? [Ngmɛɛ lɛ blɔ nɛ e ha heto.] Baiblo ɔ bɔɔ wɔ kɔkɔ nɛ waa hyɛ saminya ngɛ munyuhi nɛ wa nuɔ nɛ wa heɔ yeɔ ɔ he. [Kane Hiob 12:11.] Womi tɛtlɛɛ nɛ ɔ tsɔɔ blɔ komɛ nɛ ma nyɛ maa ye bua wɔ konɛ waa hyɛ munyuhi nɛ wa nuɔ kɛ munyuhi nɛ wa kaneɔ ɔ kaa a hi lo.”