Anɛ O Hemi Kɛ Yemi Ngɛ Yehowa Si Womi Ɔmɛ A Mi ɔ Mi Wa Lo?

Yoshua kɛ Salomo tsuo ma nɔ mi kaa Yehowa ye e si womi ɔmɛ tsuo a nɔ, e si we kake po. (Yosh 23:14; 1Ma 8:56) Níhi nɛ odasefohi enyɔ nɛ ɔmɛ de ɔ ma nyɛ maa ye bua wɔ konɛ wa hemi kɛ yemi ɔ mi nɛ wa saminya.​—2Kor 13:1; Tito 1:2.

Kɛ Yehowa plɛ kɛ ye e si womi ɔmɛ a nɔ ngɛ Yoshua be ɔ mi ha kɛɛ? O kɛ o weku ɔ nɛ hyɛ drama nɛ ji, ‘E Ye E Si Womi Ɔmɛ Tsuo A Nɔ, E Si We Eko.’ Lɔ ɔ se ɔ, nyɛ ha sane bimi nɛ ɔmɛ a heto: (1) Mɛni o ma nyɛ maa pee konɛ o je hemi kɛ yemi kpo kaa bɔ nɛ Rahab pee ɔ? (Heb 11:31; Yak 2:24-26) (2) Mɛni blɔ nɔ lɛ nɔ́ nɛ Akan pee ɔ tsɔɔ kaa ke nɔ ko je blɔ gbo Mawu tue ɔ, e kɛ haomi baa? (3) E ngɛ mi kaa Gibeon bi ɔmɛ ji ta buli katsɛmɛ lɛɛ, se mɛni he je nɛ a mlɔɔ Yoshua, nɛ a kɛ Israel bi ɔmɛ so tue mi jɔmi somi ɔ? (4) Benɛ Amor bi ɔmɛ a matsɛmɛ enuɔ te si kɛ wo Israel bi ɔmɛ ɔ, mɛni Yehowa pee nɛ lɔ ɔ ha nɛ e munyu ɔ ba mi? (Yosh 10:5-14) (5) Akɛnɛ o ngɔ Mawu Matsɛ Yemi ɔ kɛ e dami níhi kɛ pee oti ngɛ o si himi mi ɔ, mɛni Yehowa pee kɛ ye bua mo?​—Mat 6:33.

Ke wa susu níhi nɛ Yehowa pee ha wɔ kɛ be, kɛ níhi nɛ e ngɛ pee ha wɔ amlɔ nɛ ɔ, kɛ níhi nɛ e maa pee ha wɔ hwɔɔ se ɔ he ɔ, lɔ ɔ ma ha nɛ wa hemi kɛ yemi ngɛ e si womi ɔmɛ a mi ɔ mi maa wa.​—Rom 8:31, 32.