KRISTOFOHI A SI HIMI
Ngɔɔ O Wami Kɛ Je Yehowa Yi!
Wami ji nike ní nɛ he jua wa. Nɔ́ nɛ waa kɛ wa wami maa pee daa ligbi ɔ lɛ maa tsɔɔ kaa wa bua jɔ he loo wa bua jɔɛ he. Akɛnɛ wa ji Yehowa Odasefohi he je ɔ, wa bɔɔ mɔde kaa waa kɛ wa he wami, kɛ dloomi nike ní nɛ wa ngɛ ɔ ma tsu ní kɛ wo Yehowa hɛ mi nyami, ejakaa lɛ nɛ e ha wɔ wami. (La 36:9; Kpoj 4:11) Se nyagbahi nɛ waa kɛ kpeɔ daa ligbi ngɛ je yaya nɛ ɔ mi ɔ ma nyɛ ma ha nɛ wa gbɔjɔ ngɛ Mawu jami mi. (Mar 4:18, 19) Lɔ ɔ he ɔ, e hia nɛ wa bi wa he ke: ‘Anɛ i kɛ nɔ́ nɛ hi pe kulaa ngɛ Yehowa hae lo? (Hos 14:2) Anɛ ye ní tsumi nɛ i ngɛ tsue ɔ ha nɛ i náa be kɛ sɔmɔɔ Yehowa saminya lo? Mɛni ji otihi nɛ i kɛ ma ye hɛ mi ngɛ Mawu jami mi? Mɛni blɔ nɔ ma gu kɛ bli ye sɔmɔmi ní tsumi ɔ mi?’ Ke o na kaa e sa nɛ o pee tsakemihi ɔ, moo sɔle konɛ Yehowa nɛ ye bua mo konɛ o nyɛ nɛ o pee tsakemihi nɛ sa. Atsinyɛ jemi ko be he kaa ke wa je Yehowa yi daa ligbi ɔ, wa bua maa jɔ ngɛ si himi mi!—La 61:8.
Mɛnɔ o kɛ o dloomi nike ní ɔ ngɛ hae?
NYƐƐ HYƐ VIDEO NƐ JI, NGƆƆ O DLOOMI NIKE NÍ Ɔ KƐ SƆMƆ YEHOWA, NƐ NYƐ HA SANE BIMI NƐ ƆMƐ A HETO:
Mɛni he je nɛ nile be mi kaa o kɛ o dloomi nike ní ɔ ma ha Satan je ɔ? (1Yoh 2:17)
Mɛni jɔmihi nɛ nihi nɛ a kɛ nɔ́ nɛ hi pe kulaa kɛ haa Yehowa a náa?
Ke o ngɛ dloomi nike ní ko, aloo o le ní tsumi ko ɔ, mɛni sɔmɔmi he blɔhi nɛ o ma nyɛ maa ngɔ o he kɛ ha konɛ o ye bua?