Nyɛɛ Kristo Nane Mami He Ɔmɛ A Se Haa

Yesu pee nɔ hyɛmi nɔ́ ha wɔ konɛ waa kase, titli ɔ ngɛ behi nɛ waa kɛ kahi aloo si temi kɛ womihi ngɛ kpee ɔmɛ a mi. (1Pe 2:21-23) E ngɛ mi kaa a jɛ Yesu mohu lɛɛ, se e pee we nɔ́ ko kɛ tui nane mi ngɛ amanehlu nɛ e naa tsuo mi. (Mak 15:29-32) Mɛni ye bua lɛ nɛ e fĩ si ɔ? E ma e juɛmi nya si kaa e maa pee Yehowa suɔmi nya ní. (Yo 6:38) Jehanɛ hu ɔ, e kɛ e hɛ ma “bua jɔmi nɛ a ngɔ kɛ ma e hɛ mi ɔ” nɔ.​—Heb 12:2.

Kɛ wa peeɔ wa ní ha kɛɛ ke a ye wɔ sane yaya ngɛ wa hemi kɛ yemi ɔ he je? Anɔkuale Kristofohi kɛ ‘yayami to we yayami nane mi.’ (Ro 12:14, 17) Ke wa kase blɔ nɔ nɛ Kristo gu kɛ fĩ si ngɛ amanehlu mi ɔ, wa ma nyɛ ma ná bua jɔmi ejakaa Mawu ma fĩ wa se.​—Mat 5:10-12; 1Pe 4:12-14.

NYƐƐ HYƐ VIDEO NƐ JI YEHOWA BIƐ Ɔ HE HIA PE NƆ́ FƐƐ NƆ́, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HE TO:

• Mɛni blɔ nɔ nɛ benɛ a wo nyɛmiyo Pötzingera tsu ɔ, e ngɔ e be kɛ tsu ní ngɛ nile mi?

• Mɛni haomihi nɛ nyɛminyumu kɛ nyɛmiyo Pötzinger kɛ kpe ngɛ tsu womi he slɔɔto ɔmɛ?

• Mɛni ye bua mɛ nɛ a nyɛ nɛ a da nya?