Fɔli, Nyɛɛ Ye Bua Nyɛ Bimɛ Konɛ A Ye Manye

Fɔli nɛ a yeɔ Mawu gbeye ɔ suɔ kaa a bimɛ nɛ a kɛ anɔkuale yemi nɛ sɔmɔ Yehowa. Fɔli ma nyɛ maa ye bua a bimɛ kɛ gu Baiblo tsɔɔmihi nɛ a ma du kɛ wo bimɛ a tsui mi kɛ je a jokuɛwi a si ɔ nɔ. (5Mo 6:7; Abɛ 22:6) Anɛ enɛ ɔ biɔ he kɛ afɔle sami lo? Ee! Se se nami fuu ngɛ he.​—3Yo 4. Fɔli ma nyɛ maa kase ní babauu kɛ je Yosɛf kɛ Maria he sane ɔ mi. E ngɛ mi kaa e biɔ mɔde bɔmi kɛ sika mohu lɛɛ, se ‘daa jeha a, a yaa Yerusalɛm nɛ a ya yeɔ He Tsɔmi gbijlɔ ɔ.’ (Luk 2:41) E ngɛ heii kaa nɔ́ nɛ he hia Yosɛf kɛ Maria ji kaa a weku ɔ maa hɛ kɛ su Yehowa he haa. Jã kɛ̃ nɛ fɔli nɛ a ngɛ mwɔnɛ ɔ ma nyɛ maa ngɔ he blɔ fɛɛ nɛ a ma ná kɛ ye bua a bimɛ, nɛ a tsɔɔ mɛ ní, nɛ a pee nɔ hyɛmi nɔ́ kpakpa kɛ ha mɛ.​—La 127:3-5.

NYƐƐ HYƐ VIDEO NƐ JI A KUA WE HE BLƆHI NƐ A NÁ A, LƆ Ɔ SE Ɔ NYƐ HA SANE BIMI NƐ NYƐƐ SE ƆMƐ A HETO:

• Mɛni blɔ nɔ nɛ Jon kɛ Sharon Schiller ya nɔ nɛ a ngɔ Matsɛ Yemi ɔ kɛ ye kekle blɔ he bemi nɛ a ngɛ a bimɛ ɔmɛ tsɔsee ɔ?

• Mɛni he je nɛ e sa nɛ fɔli nɛ a kudɔ, a tsɔse nɛ a tsɔɔ a bi ɔmɛ a kpɛti nɔ fɛɛ nɔ ní ngɛ blɔ ekpaekpa nɔ ɔ?

• Mɛni fɔli ma nyɛ maa pee kɛ ye bua a bimɛ konɛ a da a hemi kɛ yemi he kahi a nya?

• Mɛni ní kasemi níhi nɛ́ Yehowa asafo ɔ pee ɔ o kɛ tsu ní kɛ ye bua o bimɛ nɛ a ya a hɛ mi ngɛ Mawu jami mi?