Sɛ Womi He Nɔ Hyɛmi Nɔ́

• Moo ngma mo nitsɛ o adrɛs. Ke e he maa wa ha mo kaa o maa ngɔ mo nitsɛ o adrɛs kɛ tsu ní ɔ, lɛɛ mo bi nikɔtɔma amɛ blɔ konɛ o ngɔ Matsɛ Yemi Asa a adrɛs ɔ kɛ tsu ní. Se kɛ̃ ɔ, KOO NGƆ ní tsumi kɔni ɔ adrɛs ɔ kɛ tsu ní.

• Ke o le nɔ ɔ biɛ ɔ, ngɔɔ kɛ tsu ní. Ke o pee we jã a, eko ɔ, nɔ ɔ ma susu kaa o kɛ sɛ womi ɔ ngɛ jua tsɛe.

• Moo hyɛ kaa munyunguhi, munyuzahi kɛ ningma okadihi nɛ o kɛ tsu ní ɔ da lo. E sa nɛ sɛ womi ɔ he nɛ tsɔ. Ke o kɛ nine nɛ ngma a, moo ngma lɛ saminya konɛ e kanemi nɛ ko ye. E sɛ nɛ e mi munyu ɔmɛ nɛ a pee kpɛii tsɔ.

Moo hyɛ sɛ womi he nɔ hyɛmi nɔ́ ɔ. E he hia we kaa o maa ngma munyuhi nɛ a ngma ngɛ mi ɔ pɛpɛɛpɛ be fɛɛ be nɛ o maa ngma sɛ womi kɛ ya ha nɔ ko ngɛ o zugba kpɔ ɔ mi. Ha nɛ yi mi tomi nɛ o kɛ ngɛ sɛ womi ɔ ngmae ɔ nɛ pee heii. Jehanɛ se hu ɔ, moo da bɔ nɛ si himi ɔ ngɛ ha ngɛ nyɛ kpɔ ɔ mi ɔ nɔ kɛ ngma sɛ womi ɔ.