Bɔ Nɛ Nyɛmimɛ Nɛ A Ngɛ Caribbean ɔ Ná Yemi Kɛ Buami Ní Tsumi ɔ He Se Ha

Kaa bɔ nɛ e ji ngɛ kekle jeha lafa a mi ɔ, jã nɔuu kɛ̃ nɛ mwɔnɛ ɔ, wɔ hu wa ngɛ he blɔ nɛ waa kɛ ma je suɔmi kpo kɛ tsɔɔ wa nyɛmimɛ Kristofohi nɛ oslaa ná mɛ ɔ. (Yo 13:34, 35) Nyɛɛ hyɛ video nɛ ji A Je Suɔmi Kpo​—A Ya Ye Bua Ngɛ Zugba Kpɔ Nɛ Wo Bɔle Lɛ Nɔ. Video ɔ tsɔɔ bɔ nɛ Kristofohi ya ye bua a nyɛmimɛ nyumuhi kɛ yihi nɛ a ngɛ Caribbean ɔ. Lɔ ɔ se ɔ nyɛ ha sane bimihi nɛ nyɛɛ se ɔmɛ a heto:

• Kɛ kɔɔhiɔ nɛ ji Irma kɛ Maria nɛ fia ngɛ Caribbean ɔ sa nyɛmimɛ ɔmɛ a he ha kɛɛ?

• Kɛ Yehowa gu nyɛmimɛ Kristofohi a nɔ kɛ ye bua nyɛmimɛ nɛ a ngɛ Caribbean ɔ ha kɛɛ?

• Kɛ suɔmi kɛ mi mi jɔmi nɛ nyɛmimɛ ɔmɛ je kpo ɔ ná nihi nɛ oslaa ba a nɔ ɔmɛ a nɔ he wami ha kɛɛ?

• Nyɛmimɛ nyumuhi kɛ yihi enyɛmɛ nɛ a ngɔ a he kɛ wo yemi kɛ buami ní tsumi nɛ ɔ mi ngɛ Caribbean?

• Mɛni wɔ tsuo wa ma nyɛ maa pee kɛ fĩ yemi kɛ buami ní tsumi ɔ se?

• Kɛ video nɛ ɔ ha nɛ o nu he ha kɛɛ akɛnɛ o piɛɛ blɔ nya tomi nɛ suɔmi ngɛ mi nɛ ɔ he?