Mɛni níhi o ngɛ pee konɛ o he nɛ su kɛ ha baptisimi?
KRISTOFOHI A SI HIMI
Moo Mwɔ O Yi Mi Kpɔ Kaa O Ma Sɔmɔ Yehowa
Ke o ji niheyo loo yiheyo nɛ o ji fiɛɛlɔ nɛ a baptisii we lɛ lolo, aloo a kɛ mo ngɛ Baiblo ɔ kasee ɔ, anɛ o kɛ pee oti kaa o ma ha nɛ a baptisi mo lo? Mɛni he je nɛ e sa nɛ o ha nɛ a baptisi mo ɔ? He nɔ jɔɔmi kɛ baptisimi haa nɛ huɛ bɔmi klɛdɛɛ hiɔ nɔ ko kɛ Yehowa a kpɛti. (La 91:1) Jehanɛ se hu e ma nyɛ ma he wa yi wami. (1Pe 3:21) Kɛ o ma plɛ kɛ su oti nɛ ɔmɛ a he ha kɛɛ?
Moo pee níhi nɛ ma ha nɛ o ná nɔ mi mami kaa anɔkuale ɔ ji nɛ ɔ nɛ. Ke o nui ní komɛ a sisi ɔ, mo hla níhi a mi. (Ro 12:2) Mo yɔse tsakemihi nɛ e he hia nɛ o pee ɔ, nɛ o ha nɛ suɔmi nɛ o ngɛ kaa o maa pee Yehowa suɔmi nya ní ɔ nɛ wo mo he wami nɛ o pee jã. (Abɛ 27:11; Efe 4:23, 24) Moo sɔle ha lɛ be fɛɛ be konɛ e ye bua mo. Mo ná nɔ mi mami kaa Yehowa maa gu e mumi klɔuklɔu ɔ nɔ kɛ wo mo he wami nɛ e maa ye bua mo. (1Pe 5:10, 11) Ke o bɔ mɔde nɛ o pee jã a, o ma ná he se. Yehowa nɛ o ma sɔmɔ ɔ ji si himi blɔ nɛ hi pe kulaa!—La 16:11.
NYƐƐ HYƐ VIDEO NƐ JI, NƆ́ NƐ O MAA PEE KONƐ O HE NƐ SU KƐ HA BAPTISIMI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni blɔ tsimi níhi nɛ ni komɛ nyɛ nɛ a ye a nɔ nɛ e ha nɛ a he su kɛ ha baptisimi?
Mɛni blɔ nɔ o maa gu kɛ ná hemi kɛ yemi nɛ́ maa ye bua mo konɛ o jɔɔ o he nɔ kɛ ha Yehowa?
Mɛni wo ni komɛ he wami nɛ a nyɛ nɛ a pee níhi nɛ ha nɛ a he su kɛ ha baptisimi?
Mɛni jɔɔmihi nɛ nihi nɛ a mwɔ a yi mi kpɔ kaa a ma sɔmɔ Yehowa a náa?
Mɛni nɛ he nɔ jɔɔmi kɛ baptisimi tsɔɔ?