Ngɔɔ Níhi Nɛ Ya Nɔ Lingmi Nɛ ɔ Kɛ Tsu Ní Ngɛ Fiɛɛmi Mi

Ngɛ Yesu fiɛɛmi ní tsumi ɔ mi ɔ, e ngɔ níhi nɛ a ya nɔ kɛ we ɔ kɛ tsɔɔ e tue buli ɔmɛ ní. (Luk 13:1-5) Mo hu o ma nyɛ maa ngɔ níhi nɛ a ya nɔ lingmi nɛ ɔ kɛ tsu ní konɛ o tue buli ɔmɛ a bua nɛ jɔ Matsɛ Yemi sɛ gbi ɔ he. Ke o tu bɔ nɛ si himi ɔ mi wa ha, adebɔ mi oslaa, basabasa peemi, tsopa yaya kɛ ní tsumi, loo nɔ́ kpa ko he munyu ta a, mo bi sane ko nɛ ma ha nɛ o tue buli ɔmɛ ma susu níhi a he kɛ ya tsitsaa. O ma nyɛ ma bi ke: “Anɛ o susu kaa be ko maa su nɛ . . . ?” aloo “Mɛni o susu kaa e ma nyɛ maa pee tsaba kɛ ha . . . ?” Lɔ ɔ se ɔ, kane Baiblo ngmami ko nɛ e kɔɔ nɔ́ nɛ nyɛ ngɛ he susue ɔ he. Ke nɔ ɔ bua jɔ he ɔ, moo gbla e juɛmi kɛ ya video ko loo womi ko nɛ e piɛɛ wa Ní Tsɔɔmi Ga Dade ɔmɛ a he ɔ eko nɔ. E sa nɛ waa pee “níhi tsuo ngɛ sane kpakpa a he je” be mi nɛ wa ngɛ mɔde bɔe kaa wa maa su nihi nɛ a ngɛ wa zugba kpɔ ɔ mi ɔ a tsui he ɔ.​—1Ko 9:22, 23.

Mɛni sanehi nɛ eko ɔ, nihi nɛ a ngɛ o zugba kpɔ ɔ mi ɔ a bua maa jɔ he?