JUETLI NƐ NGƐ MAWU MUNYU Ɔ MI

A To Jami Ngɛ Sɔlemi We ɔ He Blɔ Nya Saminya

Matsɛ David to Levi bi ɔmɛ kɛ osɔfo ɔmɛ a he blɔ nya saminya konɛ a nyɛ nɛ a sɔmɔ ngɛ sɔlemi we ɔ (1Kron 23:6, 27, 28; 24:1, 3; mwbr23.03 bf. 1 kk. 1, 2)

A hla nihi nɛ a le la fiami saminya kɛ nihi nɛ kpaako a ngɛ kasee ɔ konɛ mɛ hu a sɔmɔ ngɛ sɔlemi we ɔ (1Kron 25:1, 8; mwbr23.03 bf. 1 kk. 3)

A hla Levi bi ɔmɛ kaa a tsu ní kaa agbo nya buli, nito hehi a nɔ hyɛli, nɛ jehanɛ se hu a tsu ní tsumi kpahi (1Kron 26:16-20; mwbr23.03 bf. 1 kk. 4)

Nyɛmimɛ nyumuhi kɛ yihi nɛ a ngɛ Matsɛ Yemi Asa a nɔ, be mi nɛ kpe ɔ ji sisi lolo. 1. A kɛ a sibi ngɛ ní sɛɛe. 2. Nyɛminyumu ko nɛ e ngɛ nyɛmiyo ko nɔ́ ko tsɔɔe ngɛ adafi fiami womihi nɛ a kɛ mɛtɛ si ɔ nɔ. 3. Nyɛmiyo ko nɛ e kɛ sika ngɛ yemi kɛ buami daka a mi woe. 4. Nyɛminyumu ko nɛ e daa si ngɛ womi to he nɛ e kɛ womi ngɛ nyɛmiyo ko hae. 5. Nyɛminyumu ko nɛ e ngɛ munyu tumi klama ko dlae ngɛ munyu tumi kpoku ɔ nɔ. 6. Nyɛminyumu ko kɛ e bi wayoo nɛ a ngɛ Matsɛ Yemi Asa a nɔ dlae.

Jami nɛ a to he blɔ nya saminya a tsɔɔ wɔ bɔ nɛ Yehowa ngɛ ha.—1Ko 14:33.

KƐ HA YI MI TƐ PUEMI: Mwɔnɛ ɔ, kɛ a to Kristofohi asafo ɔ he blɔ nya konɛ a nyɛ nɛ a sɔmɔ Yehowa ha kɛɛ?