Sisi Ningma

a E ngɛ mi kaa Yesu ji Tsɔɔlɔ ngua nɛ hi si mohu lɛɛ, se nihi kua lɛ ngɛ e be ɔ mi. Mɛni he je? Ngɛ ní kasemi nɛ ɔ mi ɔ, wa ma susu yi mi tomi eywiɛ komɛ a he je nɛ nihi kua Yesu benɛ e ngɛ zugba a nɔ ɔ. Jehanɛ hu ɔ, wa maa na nɔ́ he je nɛ nihi bui Yesu se nyɛɛli anɔkualetsɛmɛ tue ngɛ nɔ́ nɛ a peeɔ kɛ nɔ́ nɛ a deɔ ɔ he. Nɛ nɔ́ nɛ pe kulaa a, wa maa na nɔ́ he je nɛ wa ma nyɛ ma ná hemi kɛ yemi nɛ mi wa ngɛ Yesu mi nɛ́ wa nane be tɔ̃tɔ̃e.