Sisi Ningma

b MUNYU KO NƐ A TSƆƆ SISI: “Mumi mi paradeiso” ji tue mi jɔmi si himi nɛ Yehowa we bi ngɛ mi kɛ ngɛ Yehowa sɔmɔe ngɛ kake peemi mi. Ngɛ mumi mi paradeiso nɛ ɔ mi ɔ, wa náa mumi mi niye ní fuu nɛ lakpa jami tsɔɔmihi be mi, nɛ wa tsuɔ ní tsumi nɛ haa nɛ nɔ tsui nɔɔ e mi nɛ ji, Mawu Matsɛ Yemi sane kpakpa fiɛɛmi ní tsumi ɔ. Huɛ bɔmi kpakpa ngɛ waa kɛ Yehowa wa kpɛti, nɛ waa kɛ wa nyɛmimɛ ɔmɛ hiɔ si ngɛ tue mi jɔmi mi, nɛ a yeɔ bua wɔ nɛ waa kɛ bua jɔmi fĩɔ si ngɛ kahi nɛ waa kɛ kpeɔ ɔ mi. Ke wa ja Yehowa ngɛ blɔ nɛ da nɔ, nɛ wa bɔ mɔde nɛ wa kase lɛ ɔ, lɔ ɔ tsɔɔ kaa wa ngɛ mumi mi paradeiso ɔ mi.