Sisi Ningma

a Nihewi kɛ yihewi nɛ a ngɛ Yehowa sɔmɔe mwɔnɛ ɔ kɛ nyagbahi kpeɔ nɛ ma bi nɛ a pee kã konɛ a ya nɔ nɛ a ye Yehowa anɔkuale. Nihi nɛ a kɛ mɛ yaa sukuu ɔ yeɔ a he fɛu akɛnɛ a heɔ yeɔ kaa Mawu lɛ bɔ níhi ɔ he je. Jehanɛ hu ɔ, akɛnɛ a ngɛ Mawu sɔmɔe nɛ a kɛ e mlaa amɛ ngɛ ní tsue he je ɔ, a juami bi yeɔ a he fɛu. Se ní kasemi nɛ ɔ maa ye bua wɔ nɛ waa na kaa nihi nɛ a kaseɔ gbalɔ Daniel nɔ hyɛmi nɔ́ ɔ, nɛ́ a kɛ kã sɔmɔɔ Yehowa nɛ a yeɔ lɛ anɔkuale ɔ ji nihi nɛ a ngɛ nile nitsɛnitsɛ.