Sisi Ningma

a Benɛ Tyndale ngɛ Baiblo mi womi enuɔ nɛ sɛ hlami ɔ sisi tsɔɔe ɔ, e kɛ biɛ “Iehouah” nɛ tsu ní. Pee se nɛ blɛfo gbi ɔ tsake ɔ, bɔ nɛ a ngmaa Mawu biɛ ɔ ha a hu tsake. Kaa nɔ hyɛmi nɔ́ ɔ, ngɛ jeha 1612 mi ɔ, Henry Ainsworth kɛ biɛ “Iehovah” nɛ tsu ní ngɛ La womi ɔ nɛ e tsɔɔ sisi ɔ mi. Se be nɛ e pee tsakemi komɛ ngɛ e sisi tsɔɔmi ɔ mi ngɛ jeha 1639 mi ɔ, e kɛ biɛ nɛ ji “Jehovah” lɛ tsu ní. Nihi nɛ a tsɔɔ American Standard Version Baiblo ɔ sisi ngɛ jeha 1901 mi ɔ hu kɛ biɛ nɛ ji “Jehovah” a nɔuu tsu ní ngɛ hehi nɛ Mawu biɛ ɔ je kpo ngɛ ngɛ Hebri ngmami ɔ mi.