Sisi Ningma

a Ngɛ Baiblo ɔ mi ɔ, munyu nɛ a tsɔɔ sisi ke “kpɔmi nɔ́” ɔ hɛɛ sisi numi nɛ ji nɔ́ ko he jua, loo nɔ́ ko nɛ e he jua wa nɛ a kɛ wo nɔ ko he hiɔ. Kaa nɔ hyɛmi nɔ́ ɔ, Hebri peemi munyungu nɛ ji ka·pharʹ a tsɔɔ kaa a maa ha nɔ́ ko nɔ. Behi babauu ɔ, e tsɔɔ yayami nɔ nɛ a maa ha. (La 65:3, NW) Munyungu nɛ ji koʹpher a tsɔɔ hiɔ nɛ a wo konɛ a nyɛ nɛ a kɛ ha nɔ́ ɔ nɔ aloo nɛ a kɛ kpɔ nɔ ko. (2 Mose 21:30) Jehanɛ hu, Hela munyungu nɛ ji lyʹtron, nɛ a pɔɔ sisi tsɔɔmi ke “kpɔmi nɔ́” ɔ, ma nyɛ maa tsɔɔ “hiɔ nɛ a woɔ kɛ heɔ nɔ yi wami mi.” (Mateo 20:28; The New Testament in Modern Speech, by R.  F. Weymouth) Hela ní ngmali kɛ munyungu nɛ ɔ tsuɔ ní kɛ tsɔɔ hiɔ nɛ a woɔ kɛ kpɔɔ nihi nɛ a nuu mɛ ngɛ ta mi nɛ a wo mɛ tsu loo hiɔ nɛ a woɔ kɛ kpɔɔ nyɔguɛhi.