Yehowa, Tue Mi Jɔmi Mawu

1. Wa Nyɔmtsɛ Yehowa,

Tue mi jɔmi lɛ o suɔ.

Ha o mumi nɛ kudɔ wɔ,

Nɛ wa je su kpakpa kpo.

Wa maa kase Kristo,

Anɔkualetsɛ ji lɛ.

Ha nɛ waa kɛ mo nɛ bɔ huɛ,

Nɛ waa hi o kasa nya.

2. O mumi yeɔ bua wɔ,

O Munyu bliɔ wa hɛ ngmɛ.

O haa wa naa wa nane nya

Ngɛ je yaya n’ɔ mi daa.

Moo ye kɛ bua wɔ daa

Nɛ wa tue mi nɛ jɔ wɔ

Kɛ yaa si be nɛ o maa po

Ta hwumi se kɛ ya daa.

3. O pee wɔ tsuo kake.

O mumi pee wɔ kake

Ngɛ hiɔwe kɛ zugba tsuo nɔ,

Nɛ́ waa fiɛɛ sane kpakpa.

Wa le kaa e piɛ bɔɔ

Nɛ ta hwumi se maa po.

O Matsɛ Yemi ma ha nɛ

Wa tue mi maa jɔ wɔ daa.