• Kɛ Wami Plɛ Kɛ Je Sisi Ha Kɛɛ?
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 3. Mɛni ha adesahi ngɛ slɔɔto ngɛ lohwehi a he?

      Benɛ Yehowa bɔ zugba a ta a, e bɔ níhi nɛ wami ngɛ a mi ngɛ zugba a nɔ. Kekleekle ɔ, e bɔ tsohi kɛ lohwehi ngɛ zugba a nɔ. Lɔ ɔ se ɔ, “Mawu bɔ nɔmlɔ, nɛ e pee lɛ kaa bɔ nɛ lɛ nitsɛ e ngɛ ɔ.” (Kane 1 Mose 1:27.) Mɛni ha nɛ nimli adesahi je ekpa kulaa ngɛ lohwehi a he ɔ? Akɛnɛ a bɔ wɔ ngɛ Mawu subai nɔ he je ɔ, wa ma nyɛ ma je e su komɛ kaa suɔmi kɛ dami sane yemi kpo. E bɔ wɔ konɛ wa nyɛ nɛ waa kase gbi slɔɔtohi, wa bua nɛ jɔ níhi nɛ a ngɛ fɛu a he, nɛ́ wa bua nɛ jɔ la hu he. Lohwehi be nyɛe ma sɔmɔ Mawu, se wɔ nimli adesahi lɛɛ wa ma nyɛ ma sɔmɔ Bɔlɔ ɔ nɛ waa kɛ lɛ nɛ pee huɛ.

  • Kɛ Wami Plɛ Kɛ Je Sisi Ha Kɛɛ?
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 5. Nile ngɛ nɔ́ nɛ Baiblo ɔ de kaa a bɔ níhi ɔ mi

      Mose Kekleekle Womi ɔ yi kake ɔ tsɔɔ bɔ nɛ zugba a plɛ kɛ ba, kɛ bɔ nɛ wami plɛ kɛ je sisi ha. Anɛ o ma nyɛ ma he nɔ́ nɛ Baiblo ɔ de ɔ ye lo, aloo e ji lakpa munyu ko kɛkɛ? Mo je VIDEO ɔ, nɛ nyɛ susu sane bimihi nɛ nyɛɛ se nɛ ɔmɛ a he.

      VIDEO: Anɛ A Bɔ Je ɔ Lo?​—Fã Ko (3:51)

      Foni ɔmɛ: Video nɛ ji ‘Anɛ A Bɔ Je ɔ Lo?​—Fã Ko ɔ mi foni.’ 1. Bɔ nɛ nɔ ko nɛ e ngɛ zugba a nɔ ɔ maa na ligbi ekpa nɛ a kɛ bɔ ní ɔ ha. 2. Benɛ a kɛ ligbi ekpa bɔ nihi ngɛ zugba a nɔ ɔ se. A bɔ pu, zugba gbigbli, nyu, nga, lohwe pɛlitsɛmɛ, lohwehi nɛ a nyɛɛɔ ngɛ zugba a nɔ, kɛ nimli adesahi.

      • Anɛ Baiblo ɔ tsɔɔ kaa a bɔ zugba a kɛ níhi nɛ wami ngɛ a mi ɔ ngɛ ligbi ekpa pɛ mi lo?

      • Anɛ o susu kaa nile ngɛ nɔ́ nɛ Baiblo ɔ de ngɛ bɔ nɛ a bɔ níhi ha a he lo? Mɛni he je nɛ o ha heto jã a?

      Nyɛɛ kane 1 Mose 1:1, nɛ nyɛ susu sane bimi nɛ ɔ he:

      • Je mi si kpali tsɔɔ kaa je ɔ ngɛ sisije. Anɛ nɔ́ nɛ a de ɔ kɛ Ngmami nɛ wa kane piɔ ɔ kɔ lo?

      Ni komɛ susuɔ kaa eko ɔ, Mawu bɔ wami yiblii kake, nɛ e ha nɛ e bile kɛ pee ní kpahi. Nyɛɛ kane 1 Mose 1:21, 25, 27, nɛ nyɛ susu sane bimihi nɛ nyɛɛ se nɛ ɔmɛ a he:

      • Anɛ Baiblo ɔ tsɔɔ kaa Mawu bɔ wami yiblii, nɛ lɔ ɔ se ɔ, e ha nɛ e bile kɛ pee lohi, lohwehi, kɛ nimli lo? Aloo e bɔ “ní slɔɔtohi” nɛ́ a ngɛ wami mi ɔ?