4. Mɛni nɔ mi mami Paulo ngɛ, nɛ mɛni e de Timoteo?

⁴ Paulo ngɛ nɔ mi mami kaa Yehowa ma nyɛ maa na nihi nɛ a bua peeɔ a ní kaa a ngɛ lɛ jae ɔ, kɛ nihi hu nɛ a peeɔ tue bumi kɛ haa lɛ ɔ. Sɛ womi nɛ Paulo ngma ya ha Timoteo ɔ ha nɛ wa na kaa e ngɛ nɔ mi mami nitsɛnitsɛ. E tsɔɔ kaa hemi kɛ yemi kuali ngɛ nihi puɛe ngɛ asafo ɔ mi momo. Lɔ ɔ se ɔ, e ngma ke: “Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, ‘Nyɔmtsɛ ɔ le lɛ nitsɛ e nihi.’ Ekpa hu deɔ ke, ‘Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.’”​—2 Tim. 2:18, 19.

⁶ Paulo tsɛ munyu nɛ ngɛ 4 Mose 16:5 nɛ kɔɔ munyu nɛ Mose tu Kora kɛ nihi nɛ a piɛɛ e he ɔ se. Lɔ ɔ se ɔ, e tu “sisi tomi tɛ nɛ Mawu ngɔ kɛ ma si ha hemi kɛ yemi” ɔ hu he munyu. E ngɛ heii kaa Paulo ngɛ níhi nɛ ya nɔ ngɛ Mose be ɔ mi ɔ he munyu tue konɛ e kɛ wo Timoteo he wami, nɛ e kɛ kai lɛ hu kaa Yehowa yɔseɔ atua tsɔli, nɛ e gblaa a tue. Hemi kɛ yemi kuali miɔ nɛ ma puɛ Yehowa yi mi tomi ngɛ asafo ɔ mi kaa bɔ nɛ Koramɛ hu pee jeha lafahi nɛ be ɔ. Paulo tsɔɔ we “sisi tomi tɛ nɛ Mawu ngɔ kɛ ma si ha hemi kɛ yemi” ɔ mi fitsofitso. Se kɛ̃ ɔ, nɔ́ nɛ Paulo de ɔ, ha nɛ Timoteo ná hɛ kɛ nɔ fɔmi nɛ mi wa ngɛ Yehowa mi.

8, 9. Mɛni wa ma nyɛ maa kase ngɛ munyu nɛ a ngma ngɛ “sisi tomi tɛ nɛ Mawu ngɔ kɛ ma si ha hemi kɛ yemi” nɛ Paulo kɛ tsu ní ɔ mi?

⁸ Munyu nɛ Paulo kɛ tsu ní ngɛ 2 Timoteo 2:19 ɔ tsɔɔ sisi tomi tɛ nɛ a ngma ní ngɛ nɔ. Blema a, ke a fia sisi tomi tɛ ko ɔ, a pɔɔ nɔtsɛ ɔ aloo nɔ nɛ fia jamɛ a sisi tomi tɛ ɔ biɛ ngmami ngɛ nɔ. Paulo ji kekleekle Baiblo ngmalɔ nɛ ngɔ sisi tomi tɛ nɛ a ngma biɛ kɛ fɔ nɔ ɔ kɛ pee nɔ́ hetomi nɔ́.a Munyu enyɔ lɛ a ngma ngɛ “sisi tomi tɛ nɛ Mawu ngɔ kɛ ma si ha hemi kɛ yemi” ɔ nɔ. Kekleekle ɔ, ‘Yehowa le lɛ nitsɛ e nihi.’ Nɔ́ nɛ ji enyɔ ɔ, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.” Enɛ ɔ kaiɔ wɔ munyu nɛ a ngma ngɛ 4 Mose 16:5.​—Kane.