-
Mɛni Blɔ Nɔ O Maa Gu Kɛ Hyɛ O Weku ɔ Nɔ?Nɔ́ Nɛ Haa Nɛ Bua Jɔmi Hii Weku Mi
-
-
16, 17. (a) Mɛni mlaa Yehowa wo Israel bi ɔmɛ nɛ lɔ ɔ po a he piɛ ngɛ hiɔ komɛ a he? (b) Ngɛ mɛni blɔ nɔ nɛ wekuhi tsuo ma nyɛ maa ngɔ sisi tomi mlaa nɛ ngɛ 5 Mose 23:12, 13 ɔ kɛ tsu ní?
16 Mo susu nɔ hyɛmi nɔ́ kpa ko hu he nɛ o hyɛ. Maa pee jeha 3,500 ji nɛ ɔ, Mawu ha Israel bi ɔmɛ Mlaa a. Mlaa nɛ ɔ tsɔɔ mɛ bɔ nɛ e sa kaa a plɛ kɛ ja Mawu ha, kɛ bɔ nɛ e sa kaa a tsu níhi nɛ a peeɔ daa ligbi ɔ, a he ní ha. Jamɛ a Mlaa a ye bua mɛ, nɛ e po a he piɛ ngɛ hiɔhi a he. Mlaa a tsɔɔ kaa ke Israel bi ɔmɛ maa ya nane nɔ ɔ, e sa nɛ a ya sito he ɔ se tsitsaa, nɛ a ya tsua si konɛ a ya kɛ wo mi. E sɛ nɛ a ya kɛ pue zugba, konɛ e ko wo nɔ ko hiɔ. (5 Mose 23:12, 13) Jamɛ a mlaa a be bi. Mwɔnɛ ɔ, nihi nuu hiɔ nɛ a gboɔ, ejakaa a kɛ mlaa nɛ ɔ tsu we ní.a
-
-
Mɛni Blɔ Nɔ O Maa Gu Kɛ Hyɛ O Weku ɔ Nɔ?Nɔ́ Nɛ Haa Nɛ Bua Jɔmi Hii Weku Mi
-
-
a Puemi aloo plɛmi hiɔ ji hiɔ ko nɛ gbeɔ bimwɔwi wawɛɛ nitsɛ. Enɛ ɔ he ɔ, Je ɔ Nɔmlɔ Tso Mi He Wami Nami Blɔ Nya Tomi ɔ ngma womi ko kɛ kɔ bɔ nɛ nihi ma plɛ kɛ tsi hiɔ nɛ ɔmɛ a nya ha a he. A ngma ke: “Ke nɔ ko maa ya niase nɛ niase yami he be ɔ, nɔ ɔ nɛ e ya niase ɔ ngɛ he ko nɛ kɛ we he kɛ saii nɛ́ jokuɛwi fiɛ we ngɛ lejɛ ɔ. Ke e hí kulaa a, e sa nɛ he nɛ e maa ya niase ɔ ngɛ ɔ kɛ nyu he kɛmi nɛ pee gugue enuɔ. E sa nɛ nɔ ɔ tsua si nɛ e ya kɛ wo mi, nɛ e tsi muɔ ɔ.”
-