3. Mɛni Yehowa suɔ nɛ́ waa pee konɛ wa nyɛ nɛ́ waa pee e huɛmɛ?

Yehowa suɔ adesahi tsuo, ‘se nihi nɛ a peeɔ nɔ́ nɛ da a lɛ e kɛ bɔɔ gbagbanii.’ (Abɛ 3:32) Yehowa suɔ nɛ e huɛmɛ nɛ a pee níhi nɛ Baiblo ɔ tsɔɔ kaa a ji ní kpakpahi ɔ, nɛ́ a hiɔ níhi nɛ Baiblo ɔ tsɔɔ kaa a ji ní yayamihi ɔ. Ni komɛ susuɔ kaa a be nyɛe nɛ a pee níhi nɛ Yehowa suɔ kaa a pee ɔ, nɛ́ a hiɔ níhi nɛ e sume ɔ. Se kɛ̃ ɔ, Yehowa naa nɔ mɔbɔ, nɛ e nuɔ nɔ́ sisi hulɔ. Enɛ ɔ he ɔ, ke nɔ ko suɔ Yehowa, nɛ e bɔɔ mɔde kaa e maa pee e suɔmi nya ní ɔ, Yehowa bua jɔɔ jamɛatsɛ ɔ he.​—La 147:11; Ní Tsumi 10:34, 35.

Wɔ tsuo wa suɔ huɛmɛ nɛ a yeɔ anɔkuale. Jã kɛ̃ nɛ Yehowa hu hyɛɛ blɔ kaa e huɛmɛ nɛ a ye anɔkuale. Se enɛ ɔ peemi be gbɔjɔɔ ngɛ je nɛ nihi babauu yi anɔkuale ngɛ mi nɛ ɔ mi. Ke wa ye anɔkuale ngɛ nɔ́ fɛɛ nɔ́ mi ɔ, mɛni se wa ma ná?

1. Mɛni ji nɔ́ titli he je nɛ e sa nɛ waa ye anɔkuale?

Ke wa yeɔ ni kpahi anɔkuale ɔ, wa ngɛ tsɔɔe kaa wa suɔ Yehowa nɛ wa buɔ lɛ. Yehowa le nɔ́ fɛɛ nɔ́ nɛ wa susuɔ kɛ nɔ́ fɛɛ nɔ́ nɛ wa peeɔ. (Hebri Bi 4:​13) Ke wa ma wa juɛmi nya si kaa wa maa ye anɔkuale ɔ, e naa, nɛ lɔ ɔ haa nɛ e bua jɔɔ. E Munyu ɔ de ke: ‘Yehowa sume nimli yayamihi [nɔ sisili, NW]; nihi nɛ peeɔ nɔ́ nɛ da lɛ e kɛ bɔɔ.’​—Abɛ 3:32.

2. Ngɛ wa daa ligbi si himi mi ɔ, mɛni si fɔfɔɛ komɛ a mi nɛ e he hia nɛ waa ye anɔkuale ngɛ?

Yehowa suɔ kaa waa ‘ye wa sibi anɔkuale.’ (Zakaria 8:16, 17) Mɛni enɛ ɔ tsɔɔ? Enɛ ɔ tsɔɔ kaa ke waa kɛ wa weku li, wa ní tsuli, wa nyɛmimɛ Kristofohi, aloo ma nikɔtɔmahi ngɛ munyu tue ɔ, e sɛ nɛ waa ye lakpa loo waa sisi mɛ. Nihi nɛ a yeɔ anɔkuale ɔ ju we, nɛ a sisi we nɔ hulɔ. (Kane Abɛ 24:28 kɛ Efeso Bi 4:28.) Jehanɛ se hu ɔ, a woɔ tóhi tsuo nɛ e sa kaa a wo ɔ. (Roma Bi 13:5-7) Ke wa peeɔ ní nɛ ɔmɛ kɛ ní kpahi kaa jã a, lɛɛ lɔ ɔ tsɔɔ kaa wa ‘baa wa je mi ngɛ anɔkuale yemi mi ngɛ nɔ́ fɛɛ nɔ́ mi.’​—Hebri Bi 13:18.

3. Mɛni se namihi lɛ ngɛ anɔkuale nɛ wa maa ye ɔ he?

Ke nihi le wɔ kaa wa yeɔ anɔkuale ɔ, lɔ ɔ haa nɛ a heɔ wɔ yeɔ. Enɛ ɔ yeɔ bua nɛ nɔ fɛɛ nɔ ngɛ asafo ɔ mi ɔ nuɔ he kaa e ngɛ slɔkee, nɛ wa nuɔ he kaa wa ngɛ weku ko nɛ suɔmi ngɛ mi ɔ mi, nɛ wa náa he nile kpakpa hulɔ. Ke wa yeɔ anɔkuale ɔ, e haa nɛ ‘wa Yi Wami Helɔ nɛ ji wa Mawu ɔ tsɔɔmi ɔ he peeɔ fɛu,’ nɛ enɛ ɔ woɔ nihi he wami konɛ a ba kase Yehowa he ní nɛ́ a sɔmɔ lɛ.​—Tito 2:10.

MOO KASE BABAUU

4. Ke wa ye anɔkuale ɔ, Yehowa bua jɔɔ

Nyɛɛ kane La 44:​21 kɛ Malaki 3:​16, nɛ nyɛ susu sane bimihi nɛ nyɛɛ se nɛ ɔmɛ a he:

• Mɛni he je nɛ nile be mi kaa wa ma susu kaa waa kɛ nɔ́ ko ma nyɛ maa laa Yehowa a?

• Ke wa bɔ mɔde nɛ wa tu anɔkuale be mi nɛ e he wa ha wɔ po ɔ, kɛ o susu kaa Yehowa maa nu he ha kɛɛ?

5. Moo ye anɔkuale be fɛɛ be

VIDEO: Níhi Nɛ Haa Nɔ Bua Jɔmi​—He Nile Kpakpa (2:32)

Nyɛɛ kane Hebri Bi 13:​18, nɛ nyɛ susu blɔ nɔ nɛ wa maa gu kɛ ye anɔkuale ɔ he . . .

• ngɛ wa weku ɔ mi.

• ngɛ wa ní tsumi he aloo sukuu.

• ngɛ si fɔfɔɛ kpahi a mi.

6. Ke wa ye anɔkuale ɔ, wa náa he se

Sisije ɔ, eko ɔ, e maa pee wɔ kaa ke wa ye anɔkuale ɔ, waa kɛ nyagbahi maa kpe, se nyagbenyagbe ɔ, wa ma ba na kaa anɔkuale nɛ wa maa ye be fɛɛ be ɔ ji nɔ́ nɛ hi wawɛɛ. Nyɛɛ kane La 34:​12-​16, nɛ nyɛ susu sane bimi nɛ ɔ he:

• Ke o yeɔ anɔkuale ɔ, mɛni blɔ nɔ o si himi maa pee kpakpa ngɛ?

1. A. Ke hunomɛ kɛ yigbayihi yeɔ anɔkuale ɔ, lɔ ɔ haa nɛ a gba si himi ɔ peeɔ gbugbuugbu

2. B. Ní tsuli nɛ a yeɔ anɔkuale ɔ, a nitsumitsɛmɛ heɔ mɛ yeɔ

3. D. Ma nikɔtɔmahi tuɔ ma bi nɛ a yeɔ anɔkuale ɔ a he munyu kpakpa

NYA MWƆMI

Yehowa suɔ kaa e huɛmɛ nɛ a ye anɔkuale ngɛ a munyu tutui kɛ a ní peepeehi a mi.

Mi Nylɔmi

• Mɛni níhi a mi nɛ e he hia nɛ waa ye anɔkuale ngɛ?

• Mɛni he je nɛ nile be mi kaa wa ma susu kaa waa kɛ nɔ́ ko ma nyɛ maa laa Yehowa a?

• Mɛni he je nɛ o suɔ nɛ o ye anɔkuale be fɛɛ be ɔ?

NÍ KPAHI NƐ MAA YE BUA MO

Mɛni blɔ nɔ fɔli maa gu kɛ tsɔɔ a bimɛ anɔkuale yemi?

Moo Tu Anɔkuale (1:44)

Ke wa ye wa si womihi a nɔ ɔ, mɛni se namihi maa je mi kɛ ba?

Moo Ye O Si Womihi A Nɔ, Nɛ O Ná Jɔɔmihi (9:09)

Moo hyɛ ke ji e sa nɛ waa wo tó ke a kɛ tsuɔ ní ngɛ blɔ nɛ dɛ nɔ aloo wa ko wo.

“Anɛ E Sa Nɛ O Wo Tó Lo?” (Hwɔɔmi Mɔ, September 1, 2011)

Mɛni lɛ wo nyumu ko nɛ́ be ko nɛ be ɔ, e yi anɔkuale ɔ he wami nɛ e pee tsakemi ngɛ e si himi mi?

“I Kase Kaa Yehowa Naa Nɔ Mɔbɔ Nɛ E Kɛ Tɔmi Keɔ” (Hwɔɔmi Mɔ ɔ mi munyu)

2. Kɛ nihi nɛ o kɛ mɛ maa pee o huɛmɛ ɔ ma ha nɛ Yehowa nɛ nu he ha kɛɛ?

Pi nɔ fɛɛ nɔ kɛkɛ nɛ Yehowa kɛ peeɔ huɛ. “Nihi nɛ peeɔ nɔ́ nɛ da lɛ e kɛ bɔɔ.” (Abɛ 3:​32) Kɛ Yehowa maa nu he ha kɛɛ ke waa kɛ nihi nɛ a sume lɛ ɔ pee huɛ? E maa dɔ lɛ wawɛɛ! (Kane Yakobo 4:4.) Se ke wa kua huɛmɛ yayahi, nɛ wa hɛ kɛ su Yehowa kɛ nihi nɛ a suɔ lɛ ɔ a he ɔ, Yehowa bua maa jɔ nɛ e maa ngɔ wɔ kɛ pee e huɛmɛ.​—La 15:​1-4.