-
Mɛni Maa Ye Bua Mo Konɛ O Ya Nɔ Nɛ O Kase Baiblo ɔ?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
NÍ KASEMI 12
Mɛni Maa Ye Bua Mo Konɛ O Ya Nɔ Nɛ O Kase Baiblo ɔ?
Se nami ngɛ Baiblo ɔ kasemi he wawɛɛ. Se pi be fɛɛ be nɛ e kasemi ngɛ gbɔjɔɔ. Be komɛ ɔ, e maa pee mo kaa o be nyɛe ma tsa Baiblo ɔ kasemi nɔ. Se mɛni he je nɛ se nami ngɛ he kaa o maa ya nɔ maa kase ɔ? Mɛni maa ye bua mo konɛ o tsa nɔ nɛ o kase ke o kɛ nyagbahi ngɛ kpee po?
1. Mɛni he je nɛ se nami ngɛ he kaa o maa kase Baiblo ɔ?
“Mawu munyu ɔ hɛ ngɛ, nɛ e ngɛ he wami.” (Hebri Bi 4:12) Se nami ngɛ Baiblo ɔ he wawɛɛ, ejakaa e maa ye bua mo nɛ o maa le Mawu susumihi, kɛ bɔ nɛ e susuɔ o he ha. Baiblo ɔ nɛ o maa kase ɔ maa ye bua mo nɛ o maa le níhi fuu kɛ kɔ Mawu he, o maa pee juɛmitsɛ, nɛ o ma ná hɛ kɛ nɔ fɔmi hulɔ. Nɔ́ nɛ pe kulaa a, Baiblo ɔ maa ye bua mo konɛ o kɛ Mawu nɛ bɔ huɛ. Ke o kase Baiblo ɔ, e maa ye bua mo nɛ o si himi maa pee kpakpa.
2. Mɛni he je nɛ e he hia nɛ o le bɔ nɛ anɔkuale munyuhi nɛ ngɛ Baiblo ɔ mi ɔ he jua wa ha a?
Anɔkuale munyuhi nɛ ngɛ Baiblo ɔ mi ɔ he jua wa kaa juetli. Enɛ ɔ he je nɛ Baiblo ɔ woɔ wɔ he wami kaa wa ‘he anɔkuale, nɛ wa ko jua kɔkɔɔkɔ’ ɔ nɛ. (Abɛ 23:23, NW) Ke wa le se nami nɛ ngɛ Baiblo ɔ mi anɔkuale munyu ɔmɛ a he ɔ, wa maa bɔ mɔde kaa wa maa ya nɔ maa kase, ke waa kɛ nyagbahi ngɛ kpee po.—Kane Abɛ 2:4, 5.
3. Mɛni blɔ nɔ Yehowa ma nyɛ maa ye bua mo konɛ o ya nɔ nɛ o kase Baiblo ɔ?
Yehowa ji o Bɔlɔ kɛ o Huɛ, enɛ ɔ he ɔ, e suɔ kaa e maa ye bua mo konɛ o kase e he ní. E ma nyɛ ma ha mo ‘suɔmi ɔ kɛ he wami ɔ konɛ o kɛ pee’ jã. (Kane Filipi Bi 2:13.) Enɛ ɔ he ɔ, ke be komɛ o hia he wami womi konɛ o nyɛ nɛ o kase Baiblo ɔ, aloo konɛ o ngɔ nɔ́ nɛ o kase ɔ kɛ tsu ní ɔ, e ma nyɛ maa ye bua mo. Ke o hia kã nɛ o kɛ maa da nyagbahi aloo si temi kɛ womi nya a, e ma nyɛ ma ha mo. Enɛ ɔ he ɔ, moo sɔle be fɛɛ be kɛ bi Yehowa kaa e ye bua mo nɛ o ya nɔ nɛ o kase Baiblo ɔ.—1 Tɛsalonika Bi 5:17.
MOO KASE BABAUU
Kase blɔ nɔ nɛ o maa gu kɛ kase Baiblo ɔ daa ke o be deka, loo o kɛ si temi kɛ womi ngɛ kpee po, nɛ́ o hyɛ bɔ nɛ Yehowa maa ye bua mo ha konɛ o ya nɔ nɛ o kase Baiblo ɔ.
4. Ha nɛ Baiblo ɔ kasemi nɛ pee nɔ́ titli ngɛ o si himi mi
Be komɛ ɔ, níhi fuu ngɛ nɛ e sa nɛ waa pee, nɛ lɔ ɔ haa nɛ wa nuɔ he kaa wa be deka náe kɛ kase Baiblo ɔ. Se mɛni maa ye bua wɔ? Nyɛɛ kane Filipi Bi 1:10, lɔ ɔ se ɔ, nyɛ susu sane bimihi nɛ nyɛɛ se nɛ ɔmɛ a he:
Mɛni ji ní komɛ nɛ o susu kaa a ji “níhi nɛ a he hia wawɛɛ” ngɛ si himi mi?
Mɛni o maa pee konɛ Baiblo ɔ nɛ o maa kase ɔ nɛ pee nɔ́ titli ngɛ o si himi mi?
Ke o ngɔ zia kɛ wo goga mi nɛ o bɔ mɔde kaa o maa ngɔ tɛhi hu kɛ wo mi ɔ, tɛ ɔmɛ be blɔ náe
Se ke o ngɔ tɛ ɔmɛ kɛ wo mi kekle ɔ, zia a maa na blɔ. Jã nɔuu kɛ̃ nɛ ke o ngɔ “níhi nɛ a he hia wawɛɛ” ɔmɛ kɛ ye kekle blɔ he ngɛ o si himi mi ɔ, o ma ná be kɛ pee ní kpahi nɛ piɛ ɔ
Mawu bɔ wɔ konɛ waa le lɛ, nɛ wa ja lɛ. Ja wa kase Baiblo ɔ loko wa ma nyɛ maa pee jã. Nyɛɛ kane Mateo 5:3, nɛ nyɛ susu sane bimi nɛ ɔ he:
Ke wa ha nɛ Baiblo ɔ kasemi pee nɔ́ titli ngɛ wa si himi mi ɔ, kɛ wa ma ná he se ha kɛɛ?
5. Mo fĩ si ke o kɛ si temi kɛ womi ngɛ kpee
Be komɛ ɔ, ni komɛ maa bɔ mɔde kaa a ma jɔ̃ o kɔni mi nɛ o kpa Baiblo ɔ kasemi. Moo hyɛ nɔ hyɛmi nɔ́ nɛ Francesco nɛ ngɛ video nɛ ɔ mi ɔ pee ɔ. Mo je VIDEO ɔ, nɛ nyɛ susu sane bimihi nɛ nyɛɛ se nɛ ɔmɛ a he.
Ngɛ video ɔ mi ɔ, benɛ Francesco de e huɛmɛ kɛ e weku li nɔ́ nɛ e ngɛ kasee ɔ, kɛ a pee a ní ha kɛɛ?
Kɛ e ná si nɛ e fĩ ɔ he se ha kɛɛ?
Nyɛɛ kane 2 Timoteo 2:24, 25, nɛ nyɛ susu sane bimihi nɛ nyɛɛ se nɛ ɔmɛ a he:
Anɛ o weku li kɛ o huɛmɛ bua jɔ nɔ́ nɛ o ngɛ kasee ɔ he lo?
Ngɛ ngmami nɛ wa kane nɛ ɔ nya a, kɛ e sa nɛ o pee o ní ha kɛɛ ke nɔ ko bua jɔɛ Baiblo ɔ nɛ o ngɛ kasee ɔ he? Mɛni he je?
6. Ngɔɔ o hɛ kɛ fɔ Yehowa nɔ nɛ́ e ye bua mo
Ke wa ya nɔ nɛ wa hɛ wɔ kɛ su Yehowa he ɔ, suɔmi nɛ wa ngɛ kɛ ha lɛ ɔ mi maa wa, nɛ lɔ ɔ ma ha nɛ e suɔmi nya ní peemi maa pee nɔ́ titli ngɛ wa si himi mi. Se kɛ̃ ɔ, e he ma nyɛ maa wa kɛ ha wɔ kaa wa maa pee tsakemihi konɛ wa nyɛ nɛ waa pee e suɔmi nya ní. Ke o nuɔ he jã a, o kɔni mi nɛ ko jɔ̃. Yehowa maa ye bua mo. Mo je VIDEO ɔ, nɛ nyɛ susu sane bimihi nɛ nyɛɛ se nɛ ɔmɛ a he.
Ngɛ video ɔ mi ɔ, mɛni tsakemihi Jim pee konɛ e nyɛ nɛ e sa Yehowa hɛ mi?
Mɛni lɛ o bua jɔ he ngɛ e nɔ hyɛmi nɔ́ ɔ mi?
Nyɛɛ kane Hebri Bi 11:6, nɛ nyɛ susu sane bimihi nɛ nyɛɛ se nɛ ɔmɛ a he:
Mɛni nɛ Yehowa maa pee kɛ ha nihi “nɛ a ngɛ e se blɔ hlae wawɛɛ,” nɛ ji nihi nɛ a ngɛ mɔde bɔe kaa a maa le lɛ, nɛ́ a pee e suɔmi nya ní ɔ?
Ngɛ ngmami nɛ ɔ nya a, ke Yehowa na mɔde nɛ o ngɛ bɔe kɛ ngɛ Baiblo ɔ kasee ɔ, anɛ e saa e hɛ mi lo? Mɛni he je nɛ o de jã a?
NƆ KO MA BI KE: “Mɛni he je nɛ o ngɛ Baiblo ɔ kasee ɔ?”
Mɛni heto o ma ha lɛ?
NYA MWƆMI
E ngɛ mi kaa pi be fɛɛ be nɛ Baiblo ɔ kasemi ngɛ gbɔjɔɔ mohu lɛɛ, se ke o ya nɔ nɛ o kase ɔ, e ma nyɛ maa ye bua mo konɛ o ná bua jɔmi kɛ ya neneene. Yaa nɔ nɛ o ngɔ o hɛ kɛ fɔ Yehowa nɔ, nɛ e maa jɔɔ mo.
Mi Nylɔmi
Mɛni he je nɛ anɔkuale munyuhi nɛ ngɛ Baiblo ɔ mi ɔ he jua wa ha mo ɔ?
Mɛni o maa pee kɛ tsɔɔ kaa Baiblo ɔ nɛ o ngɛ kasee ɔ ‘he hia mo wawɛɛ’?
Mɛni he je nɛ e sa nɛ o bi Yehowa nɛ e ye bua mo konɛ o ya nɔ nɛ o kase Baiblo ɔ?
NÍ KPAHI NƐ MAA YE BUA MO
Moo hyɛ ní eywiɛ komɛ nɛ ye bua nihi fuu nɛ a nyɛ nɛ a kɛ a be tsu ní saminya.
“Bɔ Nɛ O Kɛ O Be Ma Tsu Ní Saminya Ha” (O Hɛ Nɛ Tsɛ̃!, February 2014)
Moo hyɛ bɔ nɛ Yehowa ye bua yo ko nɛ e huno nui nɔ́ he je nɛ e ngɛ mɔde bɔe kaa e maa sa Mawu hɛ mi ɔ sisi ɔ.
Moo hyɛ bɔ nɛ si nɛ yo ko fĩ ɔ ye bua e huno ha.
Be komɛ ɔ, a poɔ Yehowa Odasefohi a nya kaa a gbɛɛ weku. Se anɛ e ji anɔkuale lo?
-
-
Blɔ Nɔ Nɛ Wa Maa Gu Kɛ Mwɔ Yi Mi Kpɔhi Nɛ DaO Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
NÍ KASEMI 35
Blɔ Nɔ Nɛ Wa Maa Gu Kɛ Mwɔ Yi Mi Kpɔhi Nɛ Da
Wɔ tsuo wa mwɔɔ yi mi kpɔhi ngɛ níhi a he. Yi mi kpɔ mwɔmi nɛ ɔ ekomɛ ma nyɛ ma ná wa si himi nɔ he wami wawɛɛ, nɛ e ma nyɛ maa sa huɛ bɔmi nɛ ngɛ waa kɛ Yehowa wa kpɛti ɔ hu he. Kaa nɔ hyɛmi nɔ́ ɔ, wa ma nyɛ maa mwɔ yi mi kpɔ kɛ kɔ he nɛ wa maa hi, ní nɛ wa ma tsu kɛ hyɛ wa he, kɛ jehanɛ hu, ke ji wa maa sɛ gba si himi mi aloo wa be mi sɛe. Ke wa mwɔ yi mi kpɔhi nɛ da a, lɔ ɔ ma ha nɛ wa bua maa jɔ ngɛ si himi mi, nɛ wa maa sa Yehowa hɛ mi.
1. Ngɛ mɛni blɔ nɔ nɛ Baiblo ɔ ma nyɛ maa ye bua mo konɛ o mwɔ yi mi kpɔhi nɛ da?
Loko o maa mwɔ yi mi kpɔ ko ɔ, moo sɔle kɛ bi Yehowa yemi kɛ buami, nɛ o susu Ngmami ɔ he konɛ o na Yehowa juɛmi ngɛ sane ɔ he. (Kane Abɛ 2:3-6.) Ngɛ si fɔfɔɛ komɛ a mi ɔ, Yehowa wo mlaa ngɛ nɔ́ nɛ e sa nɛ waa pee ɔ he. Enɛ ɔ he ɔ, yi mi kpɔ nɛ e da nɛ o ma nyɛ maa mwɔ ji kaa o maa bu mlaa nɛ e wo ɔ tue.
Se ke mlaa pɔtɛɛ ko be Baiblo ɔ mi nɛ tsɔɔ nɔ́ nɛ e sa nɛ́ o pee ɔ hu nɛɛ? Ngɛ si fɔfɔɛ nɛ ɔ hu mi ɔ, Yehowa maa ‘tsɔɔ mo bɔ nɛ o ba o je mi ha.’ (Yesaya 48:17) Mɛni blɔ nɔ Yehowa maa gu kɛ pee jã? Baiblo sisi tomi mlaahi ngɛ nɛ́ a ma nyɛ maa ye bua mo. Baiblo sisi tomi mlaahi ji anɔkualehi nɛ haa nɛ wa leɔ Yehowa susumi kɛ bɔ nɛ e nuɔ he ha. Behi fuu ɔ, ní komɛ nɛ ya nɔ nɛ wa kaneɔ a he ní ngɛ Baiblo ɔ mi ɔ haa nɛ wa naa bɔ nɛ Mawu nuɔ he ha ngɛ níhi a he. Ke wa yɔse bɔ nɛ Yehowa nuɔ he ha a, lɔ ɔ maa ye bua wɔ konɛ waa mwɔ yi mi kpɔhi nɛ maa sa e hɛ mi.
2. Loko o maa mwɔ yi mi kpɔ ko ɔ, mɛni ji níhi nɛ e sa nɛ o susu a he?
Baiblo ɔ de ke: “Ní lelɔ lɛɛ e le e nane nya hyɛmi.” (Abɛ 14:15) Enɛ ɔ tsɔɔ kaa loko wa maa mwɔ yi mi kpɔ ko ɔ, e sa nɛ wa he be kɛ susu nɔ́ nɛ wa maa hla a he. Ke o ngɛ nɔ́ nɛ o maa hla a he susue ɔ, mo bi o he ke: ‘Mɛni Baiblo sisi tomi mlaahi lɛ kɔɔ nɔ́ nɛ ma hla a he? Anɛ nɔ́ nɛ ma hla a ma ha nɛ ma ná tue mi jɔmi lo? Kɛ yi mi kpɔ nɛ ma mwɔ ɔ maa sa ni kpahi a he ha kɛɛ? Nɔ́ nɛ he hia pe kulaa a, anɛ e ma ha nɛ Yehowa bua maa jɔ lo?’—5 Mose 32:29.
Yehowa ngɛ he blɔ nɛ e tsɔɔ wɔ nɔ́ nɛ da kɛ nɔ́ nɛ dɛ. Ke wa le e mlaa amɛ kɛ e sisi tomi mlaa amɛ saminya, nɛ wa bɔ mɔde nɛ waa kɛ tsu ní ɔ, lɔ ɔ ma ha nɛ wa ná he nile kpakpa. Wa he nile ɔ ji nɔ́ nɛ haa nɛ wa leɔ nɔ́ nɛ da kɛ nɔ́ nɛ dɛ. (Roma Bi 2:14, 15) Ke wa tsɔse wa he nile ɔ, e maa ye bua wɔ konɛ waa mwɔ yi mi kpɔhi nɛ da.
MOO KASE BABAUU
Moo kase bɔ nɛ Baiblo sisi tomi mlaahi kɛ wa he nile yeɔ bua wɔ nɛ wa mwɔɔ yi mi kpɔhi nɛ da ha.
3. Mo ha nɛ Baiblo ɔ nɛ tsɔɔ mo blɔ
Ke wa ngɛ yi mi kpɔ ko mwɔe ɔ, mɛni blɔ nɔ nɛ Baiblo ɔ ma nyɛ maa ye kɛ bua wɔ? Mo je VIDEO ɔ, nɛ nyɛ susu sane bimihi nɛ nyɛɛ se nɛ ɔmɛ a he.
Mɛni nike ní nɛ se be nɛ Yehowa ha wɔ?
Mɛni he je nɛ Yehowa ha wɔ he blɔ konɛ wɔ nitsɛmɛ waa mwɔ yi mi kpɔhi ɔ?
Mɛni nɛ Yehowa ha wɔ konɛ e ye bua wɔ nɛ waa mwɔ yi mi kpɔhi nɛ da?
Nyɛɛ kane Efeso Bi 5:15, 16, konɛ o na Baiblo sisi tomi mlaa ko nɛ maa ye bua mo. Lɔ ɔ se ɔ, nyɛ susu blɔ nɔ nɛ o maa gu nɛ́ o kɛ o be nɛ tsu ní ngɛ “blɔ nɛ hi pe kulaa” nɔ ɔ he konɛ . . .
o kane Baiblo ɔ daa.
o pee huno aloo yogbayo kpakpa, fɔlɔ kpakpa, binyumu aloo biyo kpakpa.
o ya asafo mi kpehi.
4. Mo tsɔse o he nile konɛ o nyɛ nɛ o mwɔ yi mi kpɔhi nɛ da
Ke Baiblo ɔ wo mlaa ko nɛ kɔɔ si fɔfɔɛ pɔtɛɛ ko he ɔ, eko ɔ, e be yee kulaa kaa wa maa mwɔ yi mi kpɔ nɛ da. Se ke Baiblo ɔ wui mlaa ko ngɛ si fɔfɔɛ ko he ɔ hu nɛɛ? Mo je VIDEO ɔ, nɛ nyɛ susu sane bimi nɛ nyɛɛ se ɔ he.
Ngɛ video ɔ mi ɔ, mɛni nyɛmiyo ɔ pee kɛ tsɔse e he nile, nɛ mɛni e pee konɛ e mwɔ yi mi kpɔ nɛ maa sa Yehowa hɛ mi?
Mɛni he je nɛ e sɛ nɛ wa bi nihi nɛ́ a mwɔ yi mi kpɔhi nɛ e sa nɛ wɔ nitsɛmɛ waa mwɔ ɔ kɛ ha wɔ ɔ? Nyɛɛ kane Hebri Bi 5:14, nɛ nyɛ susu sane bimihi nɛ nyɛɛ se nɛ ɔmɛ a he:
Eko ɔ, e maa pee wɔ kaa wa bi ni kpahi nɛ a mwɔ yi mi kpɔhi kɛ ha wɔ, se mɛni e sa kaa wɔ nitsɛmɛ waa le?
Mɛni níhi lɛ ngɛ nɛ́ ma nyɛ maa ye bua mo konɛ o tsɔse o he nile nɛ o mwɔ yi mi kpɔhi nɛ da?
Kaa bɔ nɛ zugba he foni ngɛ ɔ, jã nɔuu kɛ̃ nɛ wa he nile hu yeɔ bua wɔ nɛ wa leɔ níhi nɛ e sa kaa waa pee ngɛ wa si himi mi
5. Moo tsɔɔ kaa o buɔ ni kpahi a he nile
E slo wa ti nɔ fɛɛ nɔ, enɛ ɔ he ɔ, e slo yi mi kpɔhi nɛ wa ti nɔ fɛɛ nɔ mwɔɔ. Mɛni wa maa pee kɛ tsɔɔ kaa wa buɔ ni kpahi a he nile? Mo susu si fɔfɔɛ enyɔ komɛ a he nɛ o hyɛ:
Si fɔfɔɛ 1: Nyɛmiyo ko nɛ e suɔ lipolipo womi ɔ hia kɛ ya je asafo kpa mi. Ke nyɛmimɛ yihi hiɛhiɛɛ nɛ́ a ngɛ jamɛ a asafo ɔ mi ɔ na nɔ ko nɛ e wo eko ɔ, e gbaa a nya.
Nyɛɛ kane Roma Bi 15:1 kɛ 1 Korinto Bi 10:23, 24, nɛ nyɛ susu sane bimihi nɛ nyɛɛ se nɛ ɔmɛ a he:
Ngɛ ngmami nɛ ɔ nya a, mɛni yi mi kpɔ nɛ eko ɔ, nyɛmiyo ɔ maa mwɔ? Ke o kɛ nɔ ko ngɛ nɛ e he nile haa nɛ e nuɔ he kaa e sɛ nɛ e pee nɔ́ ko nɛ́ moo o he nile ngmɛɛ mo blɔ kaa o pee ɔ, mɛni o maa pee?
Si fɔfɔɛ 2: Nyɛminyumu ko le kaa Baiblo ɔ tsi we dã bɔɔ nɛ nɔ ko maa nu ɔ nya, se e hla kaa e be dã nue kulaa. A fɔ lɛ nine kɛ ya he nya buami ko sisi, nɛ nyɛmimɛ nyumuhi nɛ a ngɛ lejɛ ɔ ngɛ dã nue.
Nyɛɛ kane Fiɛlɔ 7:16 kɛ Roma Bi 14:1, 10, nɛ nyɛ susu sane bimihi nɛ nyɛɛ se nɛ ɔmɛ a he:
Ngɛ ngmami nɛ ɔ nya a, mɛni yi mi kpɔ nɛ eko ɔ, nyɛminyumu ɔ maa mwɔ? Mɛni o maa pee ke o na nɔ ko nɛ́ e ngɛ nɔ́ ko nɛ o he nile haa nɛ o nuɔ he kaa e dɛ ɔ pee?
Mɛni níhi nɛ ke o pee ɔ, e ma ha nɛ o mwɔ yi mi kpɔhi nɛ da?
1. Mo bi Yehowa nɛ e ye bua mo konɛ o na nɔ́ nɛ e sa kaa o pee.—Yakobo 1:5.
2. Mo hla níhi a mi ngɛ Baiblo ɔ kɛ Baiblo kasemi womi ɔmɛ a mi konɛ o na sisi tomi mlaahi nɛ maa ye bua mo. O kɛ Kristofohi nɛ a nane pi si ɔ hu ma nyɛ maa sɛɛ ní.
3. Mo susu bɔ nɛ yi mi kpɔ nɛ o maa mwɔ ɔ ma ná o he nile kɛ ni kpahi a he nile nɔ he wami ha a he.
NI KOMƐ DEƆ KE: “O ngɛ he blɔ nɛ o peeɔ nɔ́ fɛɛ nɔ́ nɛ o suɔ. Bɔ nɛ ni kpahi ma susu ha a he hia we.”
Mɛni he je nɛ ke wa maa mwɔ yi mi kpɔ ko ɔ, e sa nɛ wa susu bɔ nɛ Mawu kɛ ni kpahi maa nu he ha a he ɔ?
NYA MWƆMI
Ke wa yɔse bɔ nɛ Yehowa nuɔ he ha, nɛ wa susu bɔ nɛ wa ní peepee maa sa ni kpahi a he ha a he ɔ, lɔ ɔ ma ha nɛ waa mwɔ yi mi kpɔhi nɛ da.
Mi Nylɔmi
Mɛni o maa pee konɛ o nyɛ nɛ o mwɔ yi mi kpɔhi nɛ maa sa Yehowa hɛ mi?
Mɛni blɔ nɔ o maa gu kɛ tsɔse o he nile?
Mɛni o maa pee kɛ tsɔɔ kaa o buɔ ni kpahi a he nile?
NÍ KPAHI NƐ MAA YE BUA MO
Mɛni blɔ nɔ o maa gu kɛ mwɔ yi mi kpɔhi nɛ ma ha nɛ huɛ bɔmi kpakpa nɛ hi o kɛ Mawu nyɛ kpɛti?
“Moo Mwɔ Yi Mi Kpɔhi Nɛ Maa Wo Mawu Hɛ Mi Nyami” (Hwɔɔmi Mɔ, April 15, 2011)
Moo kase blɔhi a nɔ nɛ Yehowa guɔ kɛ woɔ wɔ ga a he ní fuu.
Moo hyɛ nɔ́ nɛ ye bua nyumu ko nɛ e nyɛ mwɔ yi mi kpɔ ko nɛ he wa a.
Moo kase bɔ nɛ o ma plɛ kɛ sa Yehowa hɛ mi ha, ke e ha we blɔ tsɔɔmi pɔtɛɛ ko nɛ kɔɔ si fɔfɔɛ ko he ɔ he ní fuu.
“Anɛ O Hia Baiblo Blɔ Tsɔɔmi Be Fɛɛ Be Lo?” (Hwɔɔmi Mɔ, December 1, 2003)
-