• Blɔ Nɔ Nɛ Wa Maa Gu Kɛ Mwɔ Yi Mi Kpɔhi Nɛ Da
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 5. Moo tsɔɔ kaa o buɔ ni kpahi a he nile

      E slo wa ti nɔ fɛɛ nɔ, enɛ ɔ he ɔ, e slo yi mi kpɔhi nɛ wa ti nɔ fɛɛ nɔ mwɔɔ. Mɛni wa maa pee kɛ tsɔɔ kaa wa buɔ ni kpahi a he nile? Mo susu si fɔfɔɛ enyɔ komɛ a he nɛ o hyɛ:

      Si fɔfɔɛ 1: Nyɛmiyo ko nɛ e suɔ lipolipo womi ɔ hia kɛ ya je asafo kpa mi. Ke nyɛmimɛ yihi hiɛhiɛɛ nɛ́ a ngɛ jamɛ a asafo ɔ mi ɔ na nɔ ko nɛ e wo eko ɔ, e gbaa a nya.

      Nyɛɛ kane Roma Bi 15:1 kɛ 1 Korinto Bi 10:23, 24, nɛ nyɛ susu sane bimihi nɛ nyɛɛ se nɛ ɔmɛ a he:

      • Ngɛ ngmami nɛ ɔ nya a, mɛni yi mi kpɔ nɛ eko ɔ, nyɛmiyo ɔ maa mwɔ? Ke o kɛ nɔ ko ngɛ nɛ e he nile haa nɛ e nuɔ he kaa e sɛ nɛ e pee nɔ́ ko nɛ́ moo o he nile ngmɛɛ mo blɔ kaa o pee ɔ, mɛni o maa pee?

      Si fɔfɔɛ 2: Nyɛminyumu ko le kaa Baiblo ɔ tsi we dã bɔɔ nɛ nɔ ko maa nu ɔ nya, se e hla kaa e be dã nue kulaa. A fɔ lɛ nine kɛ ya he nya buami ko sisi, nɛ nyɛmimɛ nyumuhi nɛ a ngɛ lejɛ ɔ ngɛ dã nue.

      Nyɛɛ kane Fiɛlɔ 7:16 kɛ Roma Bi 14:1, 10, nɛ nyɛ susu sane bimihi nɛ nyɛɛ se nɛ ɔmɛ a he:

      • Ngɛ ngmami nɛ ɔ nya a, mɛni yi mi kpɔ nɛ eko ɔ, nyɛminyumu ɔ maa mwɔ? Mɛni o maa pee ke o na nɔ ko nɛ́ e ngɛ nɔ́ ko nɛ o he nile haa nɛ o nuɔ he kaa e dɛ ɔ pee?

      Mɛni níhi nɛ ke o pee ɔ, e ma ha nɛ o mwɔ yi mi kpɔhi nɛ da?

      Yo ko nɛ e ngɛ sɔlee.

      1. Mo bi Yehowa nɛ e ye bua mo konɛ o na nɔ́ nɛ e sa kaa o pee.​—Yakobo 1:5.

      Yo ɔ nɔuu nɛ́ e kɛ Baiblo ɔ, Baiblo kasemi womihi kɛ kɔmputa ngɛ níhi a mi hlami pee.

      2. Mo hla níhi a mi ngɛ Baiblo ɔ kɛ Baiblo kasemi womi ɔmɛ a mi konɛ o na sisi tomi mlaahi nɛ maa ye bua mo. O kɛ Kristofohi nɛ a nane pi si ɔ hu ma nyɛ maa sɛɛ ní.

      Yo ɔ nɔuu nɛ́ ngɛ e yi mi susue.

      3. Mo susu bɔ nɛ yi mi kpɔ nɛ o maa mwɔ ɔ ma ná o he nile kɛ ni kpahi a he nile nɔ he wami ha a he.