• Ke Nɔ Ko Gbo ɔ, Mɛni Si Fɔfɔɛ Mi E Ya Jeɔ?
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 2. Ke wa le anɔkuale nɛ kɔɔ gbenɔ he ɔ, kɛ wa ma ná he se ha kɛɛ?

      Nihi fuu yeɔ gbenɔ kɛ gbogboe ɔmɛ po gbeye! Se nɔ́ nɛ Baiblo ɔ de ngɛ gbenɔ he ɔ ma nyɛ maa wo o bua. Yesu de ke: “Anɔkuale ɔ ma ha nɛ nyɛ maa ye nyɛ he.” (Yohane 8:32) Jami komɛ tsɔɔ kaa nɔ́ ko ngɛ wa mi nɛ ke wa gbo ɔ, e yaa nɔ nɛ e hiɔ si. Se Baiblo ɔ tsɔɔ we jã. Ke nɔ ko gbo ɔ, e pii we. Jehanɛ ɔ se hu ɔ, akɛnɛ gbogboe ɔmɛ li nɔ́ ko nɔ́ ko he je ɔ, a be nyɛe maa ye wɔ awi. Enɛ ɔ he ɔ, e sɛ nɛ waa pee níhi kɛ sa gbogboe ɔmɛ a hɛ mi aloo wa ja mɛ, nɛ e sɛ nɛ waa sɔle ha mɛ hulɔ.

      Ni komɛ deɔ ke a kɛ gbogboe ɔmɛ ma nyɛ maa tu munyu. Se enɛ ɔ be hie peemi. Kaa bɔ nɛ wa na kɛ sɛ hlami ɔ, gbogboe ɔmɛ “li nɔ́ ko nɔ́ ko.” Nihi fuu susuɔ kaa a kɛ a suɔli nɛ a gbo ɔ ma nyɛ maa tu munyu, se ngɛ anɔkuale mi ɔ, nihi nɛ a bɔɔ mɔde kaa a kɛ gbogboe ɔmɛ maa tu munyu ɔ kɛ daimoniohi nɛ a pee a he kaa nihi nɛ a gbo ɔ lɛ tuɔ munyu ɔ nɛ. Enɛ ɔ he ɔ, ke wa le anɔkuale nɛ kɔɔ gbenɔ he ɔ, e maa po wa he piɛ kɛ je daimonio ɔmɛ a he. Yehowa bɔ wɔ kɔkɔ kaa waa kɛ gbogboe ɔmɛ nɛ ko tu munyu, ejakaa e le kaa ke wa pee jã a, daimonio ɔmɛ ma nyɛ maa ye wɔ awi.​—Kane 5 Mose 18:10-12.

  • Ke Nɔ Ko Gbo ɔ, Mɛni Si Fɔfɔɛ Mi E Ya Jeɔ?
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 4. Ke wa le anɔkuale nɛ kɔɔ gbenɔ he ɔ, wa ma ná he se

      Ke wa le anɔkuale nɛ kɔɔ gbenɔ he ɔ, lɔ ɔ ma ha nɛ wa be gbogboe ɔmɛ gbeye yee. Nyɛɛ kane Fiɛlɔ 9:10, nɛ nyɛ susu sane bimi nɛ ɔ he:

      • Anɛ gbogboe ɔmɛ ma nyɛ maa ye wɔ awi lo?

      Ke wa he anɔkuale munyu nɛ ngɛ Baiblo ɔ mi ɔ ye ɔ, lɔ ɔ be hae nɛ wa he lakpa munyuhi ye. Lakpa munyu nɛ ɔmɛ ekomɛ ji kaa e sa nɛ waa pee níhi kɛ sa gbogboe ɔmɛ a hɛ mi, aloo wa ja mɛ. Nyɛɛ kane Yesaya 8:19 kɛ Kpo Jemi 4:11 ɔ, nɛ nyɛ susu sane bimi nɛ ɔ he:

      • Kɛ o susu kaa Yehowa maa nu he ha kɛɛ, ke nɔ ko jaa nɔ ko nɛ́ e gbo aloo e biɔ yemi kɛ buami ngɛ e ngɔ?

      Foni Ɔmɛ: Kusumihi nɛ a peeɔ kɛ woɔ gbogboehi a hɛ mi nyami. 1. Nyumu ko nɛ e kplaa si ngɛ gɔ ko he nɛ e ngɛ sɔlee nɛ e kɛ niye ní ngɛ afɔle sãe. 2. Nyumuhi etɛ nɛ a dla a he fiee nɛ a ngɛ doe. 3. Nihi nɛ a bu hɛ mi hami nɔ́ nɛ a pee lɛ kaa yi koklodohi nɛ a hɛɛ nɔ́ ko kaa skeleton ngɛ a dɛ nɛ a kɛ ngɛ nihi nɛ a gbo ɔmɛ a hɛ mi nyami woe.

      Anɔkuale nɛ kɔɔ gbenɔ he nɛ wa le ɔ haa nɛ waa kɛ wa he wui kusumihi nɛ sɛ Yehowa hɛ mi ɔ mi