JUETLI NƐ NGƐ MAWU MUNYU Ɔ MI | YEREMIA 51-52
Yehowa Munyu Baa Mi Pɛpɛɛpɛ
Yehowa gba níhi pɔtɛɛ nɛ maa ya nɔ hwɔɔ se ɔ kɛ fɔ si
Kɛ̃ɛ̃ Tsɛ̃lɔ ko nɛ e buɔ Persia matsɛ ɔ he
“Nyɛɛ duɔ nyɛ kɛ̃ɛ̃ mi bi ɔmɛ a nya”
Media kɛ Persia bi ɔmɛ le kɛ̃ɛ̃ tsɛ̃mi saminya. Kɛ̃ɛ̃ ji nɔ́ nɛ a kɛ pɔɔ ta hwumi. A duɔɔ a kɛ̃ɛ̃ mi bi ɔmɛ a nya saminya konɛ ke a tsɛ̃ ɔ, e nyɛ nɛ e gbɔ nɔ wawɛɛ kɛ sɛ lo mi
‘Babilon ta buli ɔmɛ kpa ta hwumi’
Nɔ́ nɛ Nabonido Yi Nɔ Sane ɔ de ji nɛ ɔ nɛ: “Sirus kɛ e ta buli ɔmɛ sɛ Babilon ma a mi, se Babilon bi ɔmɛ kɛ mɛ hwui ta.” Enɛ ɔ kɛ Yeremia gbami ɔ kɔ pɛpɛɛpɛ
Nabonido Yi Nɔ Sane ɔ
‘Babilon maa pee ma doku kɛ ya neneene’
Babilon hɛ mi nyami ɔ bɔni laami kɛ je jeha 539 L.F.K. Jamɛ a be ɔ mi ɔ, Alexander Ngua a to e yi mi kaa e maa ngɔ Babilon kɛ pee e ma ngua, se e gbo tlukaa. Ngɛ kaseli ɔmɛ a be ɔ mi ɔ, Yuda bi komɛ hi Babilon loloolo. Enɛ ɔ he ɔ, bɔfo Petro ya Babilon. Se loko jeha lafa eywiɛ ɔ maa su ɔ, Babilon plɛ pee ma doku, nɛ e biɛ laa