Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • lff ní kasemi 32
  • Mawu Matsɛ Yemi ɔ Ngɛ Nɔ Yee Amlɔ Nɛ ɔ!

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • Mawu Matsɛ Yemi ɔ Ngɛ Nɔ Yee Amlɔ Nɛ ɔ!
  • O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
  • Munyuyi Nyafinyafihi
  • Munyu Nɛ Ngɛ Kaa Enɛ ɔ
  • MOO KASE BABAUU
  • NYA MWƆMI
  • NÍ KPAHI NƐ MAA YE BUA MO
  • 1914​​—Jeha Nɛ Sa Kadimi Ngɛ Baiblo Gbami Mi
    Mɛni Tutuutu Ji Baiblo ɔ Tsɔɔmi?
O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
lff ní kasemi 32
Ní Kasemi 32. Yesu Kristo nɛ e ji hiɔwe Matsɛ Yemi ɔ nya Matsɛ ɔ nɛ e hɛɛ matsɛ tso nɛ e ngɛ zugba a nɔ yee.

NÍ KASEMI 32

Mawu Matsɛ Yemi ɔ Ngɛ Nɔ Yee Amlɔ Nɛ ɔ!

Nɔ́ Nɛ A Print
Nɔ́ Nɛ A Print
Nɔ́ Nɛ A Print
Nɔ́ Nɛ A Print

Mawu Matsɛ Yemi ɔ bɔni nɔ yemi ngɛ hiɔwe ngɛ jeha 1914 ɔ mi. Jamɛ a be ɔ mi nɛ adesahi a nɔ yemihi a nyagbe be ɔ je sisi ɔ nɛ. Kɛ wa plɛ kɛ le enɛ ɔ kɛɛ? Ha nɛ wa susu bɔ nɛ Baiblo gbamihi, níhi nɛ ngɛ nɔ yae, kɛ suhi nɛ nihi ngɛ kpo jee kɛ je jeha 1914 ɔ maa enɛ ɔ nɔ mi ha.

1. Mɛni nɛ Baiblo ɔ gba kɛ fɔ si?

Daniel womi ɔ tsɔɔ kaa Mawu Matsɛ Yemi ɔ ma bɔni nɔ yemi ngɛ “jeha kpaago” aloo “be kpaago” nyagbe. (Daniel 4:16, 17) Jeha lafa komɛ a se ɔ, Yesu tu be nɛ ɔ nɔuu he munyu kaa e ji “behi nɛ a to kɛ ha je ma amɛ,” nɛ e tsɔɔ kaa be nɛ ɔ bɛ nyagbe lolo. (Luka 21:24) Wa maa na ngɛ ní kasemi nɛ ɔ mi kaa jeha kpaago aloo be kpaago ɔ ba nyagbe ngɛ jeha 1914 ɔ mi.

2. Mɛni níhi lɛ ngɛ nɔ yae ngɛ je ɔ mi, nɛ mɛni suhi nɛ nihi ngɛ kpo jee kɛ je jeha 1914 ɔ kɛ ma nɛ ɔ?

Yesu kaseli ɔmɛ bi lɛ ke: “Mɛni okadi nɛ e maa tsɔɔ kaa o ba nɛ́ ma kadi níhi a blɔ nya tomi ɔ nyagbe be ɔ?” (Mateo 24:3) Yesu ha mɛ heto nɛ e de mɛ níhi babauu nɛ maa ya nɔ ke e bɔni nɔ yemi ngɛ hiɔwe kaa Mawu Matsɛ Yemi ɔ nya Matsɛ ɔ. Ní nɛ ɔmɛ ekomɛ ji ta, hwɔ kɛ zugba mimiɛɛmi. (Kane Mateo 24:7) Baiblo ɔ hu gba kɛ fɔ si kaa su nɛ nihi ma je kpo ngɛ “nyagbe ligbi ɔmɛ a mi ɔ” ma ha nɛ si himi ɔ “nya dami maa ye.” (2 Timoteo 3:1-5) Kɛ je jeha 1914 ɔ, níhi nɛ Baiblo ɔ tsɔɔ kaa a maa ya nɔ, kɛ suhi nɛ e tsɔɔ kaa nihi ma je kpo ɔ pɔ he wawɛɛ.

3. Mɛni he je nɛ je ɔ puɛ kulaa kɛ je benɛ Mawu Matsɛ Yemi ɔ bɔni nɔ yemi ɔ?

Benɛ Yesu ba pee Mawu Matsɛ Yemi ɔ nya Matsɛ be bɔɔ se ɔ, e kɛ Satan kɛ e daimonio ɔmɛ hwu ta ngɛ hiɔwe. Yesu ye Satan nɔ kunimi ngɛ jamɛ a ta a mi. Baiblo ɔ de ke “a sake lɛ ngɔ fɔ zugba a nɔ, nɛ a sake e bɔfo ɔmɛ hu kɛ piɛɛ e he.” (Kpo Jemi 12:9, 10, 12) Satan mi mi fu wawɛɛ ejakaa e le kaa a ma kpata e hɛ mi. Enɛ ɔ he ɔ, e ngɔɔ haomi kɛ nɔ́ nami kɛ baa je ɔ mi tsuo. Lɔ ɔ he je nɛ je ɔ puɛ jã a nɛ. Mawu Matsɛ Yemi ɔ ma ba je nyagba nɛ ɔmɛ tsuo kɛ je.

MOO KASE BABAUU

Moo kase bɔ nɛ wa plɛ kɛ le kaa Mawu Matsɛ Yemi ɔ bɔni nɔ yemi kɛ je jeha 1914 ɔ, kɛ nɔ́ nɛ enɛ ɔ biɔ nɛ wɔ tsuo waa pee ɔ he ní.

4. Baiblo mi akɔtaa bumi tsɔɔ kaa Mawu Matsɛ Yemi ɔ bɔni nɔ yemi kɛ je jeha 1914 ɔ

Mo je VIDEO ɔ.

VIDEO: Mawu Matsɛ Yemi ɔ Bɔni Nɔ Yemi Kɛ Je Jeha 1914 ɔ (5:02)

Mawu ha nɛ Babilon Matsɛ Nebukadnezar nla nlami ko nɛ́ tsɔɔ níhi nɛ maa ba hwɔɔ se. Nlami nɛ ɔ he sane kɛ bɔ nɛ Daniel tsɔɔ sisi ha a ngɛ Baiblo ɔ mi. E ngɛ heii kaa nlami nɛ ɔ kɔɔ Nebukadnezar nɔ yemi ɔ kɛ Mawu Matsɛ Yemi ɔ he.​—Nyɛɛ kane Daniel 4:17 ɔ.a

Nyɛɛ kane Daniel 4:20-26, lɔ ɔ se ɔ, nyɛɛ hyɛ daka nɛ ngɛ ba fa 133 ɔ nɔ kɛ ha sane bimihi nɛ nyɛɛ se nɛ ɔmɛ a heto:

  • (A) Mɛni nɛ Nebukadnezar na ngɛ e nlami ɔ mi?​—Hyɛ kuku 20 kɛ 21.

  • (B) Mɛni maa ba tso ɔ nɔ?​—Hyɛ kuku 23.

  • (D) Mɛni maa ya nɔ ke “jeha kpaago” aloo “be kpaago” ɔ ba nyagbe?​—Hyɛ kuku 26.

Bɔ Nɛ Nlami Nɛ Kɔɔ Tso ɔ He ɔ Kɔɔ Mawu Matsɛ Yemi ɔ He Ha

GBAMI Ɔ (Daniel 4:20-36)

Nɔ yemi

(A) Tso ngua ko

Tso agbo gagaaga ko.

Nɔ yemi ɔ se po kɛ ya si be ko

(B) “Nyɛɛ hɛ tso ɔ kɛ fɔ si,” nɛ nyɛ ha nɛ “jeha kpaago” aloo “be kpaago” nɛ be

Tso kpoku ko nɛ a ngɔ kpã nɛ a kɛ dade kɛ akɔblee pee kɛ fĩ lɛ.

A to nɔ yemi ɔ sisi ekohu

(D) “O ma ba ye matsɛ ekohu”

Tso agbo gagaaga ko.

Gbami ɔ mi bami kekleekle nɔ́ . . .

  • (E) Mɛnɔ nɛ tso ɔ daa si kɛ ha?​—Hyɛ kuku 22.

  • (Ɛ) Mɛni be nɛ e kpa nɔ yemi? —Kane Daniel 4:29-33.

  • (F) Benɛ “jeha kpaago” aloo “be kpaago” ɔ ba nyagbe ɔ, mɛni ba Nebukadnezar nɔ?—Kane Daniel 4:34-36.

GBAMI Ɔ MI BAMI KEKLEEKLE NƆ́

Nɔ yemi

(E) Babilon Matsɛ Nebukadnezar

Matsɛ Nebukadnezar he nɔ wolɔ ɔ nɛ e daa si.

Nɔ yemi ɔ se po kɛ ya si be ko

(Ɛ) Ngɛ jeha 606 Loko A Fɔ Kristo ɔ, Nebukadnezar nu godo nɛ e kpa nɔ yemi jeha kpaago

Nebukadnezar nɛ e kplaa si ngɛ zugba nɛ e ngɛ nga kpee kaa lohwe.

A to nɔ yemi ɔ sisi ekohu

(F) Nebukadnezar godo ɔ je, nɛ e bɔni nɔ yemi ekohu

Matsɛ Nebukadnezar nɛ e wo e nine nɔ nɛ e ngɛ hiɔwe hyɛe.

Gbami ɔ mi bami enyɔne . . .

  • (G) Mɛnɔmɛ nɛ tso ɔ daa si kɛ ha? —Kane 1 Kronika 29:23.

  • (H) Mɛni be nɛ a kpa nɔ yemi? Kɛ wa plɛ kɛ le kaa a yi nɔ benɛ Yesu ngɛ zugba a nɔ ɔ ha kɛɛ? —Kane Luka 21:24.

  • (I) Mɛni be nɛ a to nɔ yemi nɛ ɔ sisi, nɛ jije a to sisi ngɛ?

GBAMI Ɔ MI BAMI ENYƆNE

Nɔ yemi

(G) Israel matsɛmɛ nɛ́ a ye nɔ kaa Mawu nɔ yemi ɔ nane mi dali

Israel matsɛmɛ nɛ a ye nɔ setsɔsetsɔ ɔ nɛ a hii si ngɛ matsɛ sɛhi a nɔ. La kpɛ kɛ pue a nɔ.

Nɔ yemi ɔ se po kɛ ya si be ko

(H) A kpata Yerusalem hɛ mi nɛ enɛ ɔ ha Israel matsɛmɛ ɔmɛ kpa nɔ yemi jeha 2,520

La ko nɛ e ngɛ blema Yerusalem ma a sãe ngɛ jeha 607 L.F.K. Lɔ ɔ se ɔ, jeha 2,520 be.

A to nɔ yemi ɔ sisi ekohu

(I) Yesu bɔni nɔ yemi ngɛ hiɔwe kaa Mawu Matsɛ Yemi ɔ nya Matsɛ

Yesu nɛ e hii si ngɛ e matsɛ sɛ ɔ nɔ ngɛ hiɔwe nɛ e ngɛ zugba a nɔ yee kɛ je jeha 1914 K.F.S. La kpɛ kɛ je e ngɔ kɛ pue zugba a nɔ.

Jeha kpaago aloo be kpaago ɔ mi kɛmi

Ngmami komɛ nɛ ngɛ Baiblo ɔ mi ɔ yeɔ buaa wɔ konɛ wa nyɛ nɛ waa nu ngmami kpahi a sisi. Kaa nɔ hyɛmi nɔ́ ɔ, Kpo Jemi womi ɔ tsɔɔ kaa be etɛ kɛ fã daa si kɛ ha ligbi kakaaka 1,260. (Kpo Jemi 12:6, 14) Be etɛ kɛ fã nɛ a bɔ he enyɔ ɔ, peeɔ be kpaago aloo ligbi kakaaka 2,520. Ngɛ Baiblo ɔ mi ɔ, be komɛ ɔ, a kɛ ligbi kake daa si kɛ ha jeha kake. (Ezekiel 4:6) Enɛ ɔ he ɔ, jeha kpaago aloo be kpaago nɛ Daniel womi ɔ tu he munyu ɔ daa si kɛ ha jeha 2,520.

5. Níhi tsake kulaa ngɛ je ɔ mi kɛ je jeha 1914 ɔ

Mo je VIDEO ɔ.

VIDEO: Níhi Tsake Kulaa Ngɛ Je ɔ Mi Kɛ Je Jeha 1914 ɔ (1:10)

Yesu tsɔɔ níhi nɛ maa ya nɔ ngɛ je ɔ mi ke e ba pee Matsɛ ɔ. Nyɛɛ kane Luka 21:9-11 ɔ, nɛ nyɛ susu sane bimi nɛ ɔ he:

  • Ní nɛ ɔmɛ a kpɛti te nɛɛ lɛ o nuɔ aloo o naa nɛ́ a ngɛ nɔ yae?

Bɔfo Paulo tsɔɔ bɔ nɛ nihi maa pee a ní ha ngɛ adesahi a nɔ yemi nyagbe be ɔmɛ a mi. Nyɛɛ kane 2 Timoteo 3:1-5 ɔ, nɛ nyɛ susu sane bimi nɛ ɔ he:

  • Anɛ o na kaa nihi ngɛ su nɛ ɔmɛ kpo jee mwɔnɛ ɔ lo?

Foni Ɔmɛ: Níhi nɛ a ngɛ nɔ yae ngɛ nyagbe ligbi ɔmɛ a mi. 1. Ta bulɔ nɔkɔtɔma ko nɛ e wo e nine nɔ nɛ e ngɛ ngmlaa kpae. 2. Tsuhi nɛ a hule pue si benɛ zugba ko mimiɛɛ ɔ. 3. Ta buli a kɔɔhiɔ mi lɛhi. 4. Nihi nɛ a bu mask nɛ a ngɛ nyɛɛe. 5. Mɔ nguahi enyɔ nɛ a ngɛ New York nɛ la ngɛ sãe ngɛ basabasa peemi ko nɛ ya nɔ ɔ mi. 6. Nyumu ko nɛ e kɛ tsopa ngɛ ní tsue. 7. Nyumu ko nɛ e ngɛ e yo kongoe nɛ e ngɛ ngmlaa kpae kɛ ngɛ yi woe . 8. Tsopahi kɛ dã slɔɔtohi. 9. Yihi enyɔ nɛ a wo tadehi nɛ a ba nɔ ɔ nɛ a ngɛ foto poe. 10. Nɔ ko nɛ e ngɛ doe ngɛ hɛja jemi he ko nɛ nihi babauu ngɛ lɛ hyɛe nɛ mɛ hu a ngɛ doe. 11. Nɔ ko nɛ e peeɔ basabasa nɛ e yaa fɔ̃ nɔ́ ko.

6. E sa kaa Mawu Matsɛ Yemi ɔ nɛ ngɛ nɔ yee ɔ nɛ wo wɔ he wami nɛ waa pee ní komɛ

Nyɛɛ kane Mateo 24:3, 14 ɔ, nɛ nyɛ susu sane bimihi nɛ nyɛɛ se nɛ ɔmɛ a he:

  • Mɛni ní tsumi nɛ́ he hia lɛ ngɛ nɔ yae nɛ́ tsɔɔ kaa Mawu Matsɛ Yemi ɔ ngɛ nɔ yee?

  • Mɛni o maa pee konɛ mo hu o tsu ní tsumi nɛ ɔ eko?

Amlɔ nɛ ɔ, Mawu Matsɛ Yemi ɔ ngɛ nɔ yee, nɛ e be kɛe nɛ e ma bɔni zugba a tsuo nɔ yemi. Nyɛɛ kane Hebri Bi 10:24, 25 ɔ, nɛ nyɛ susu sane bimi nɛ ɔ he:

  • Mɛni nɛ e sa kaa wa kpɛti nɔ fɛɛ nɔ nɛ e pee be mi nɛ wa na kaa “ligbi ɔ ngɛ sue ɔ”?

Foni Ɔmɛ: 1. Nɔ ko nɛ a kɛ lɛ kaseɔ Baiblo ɔ nɛ e yaa Yehowa Odasefohi a we asafo mi kpe. 2. Baiblo mi ní kaselɔ ɔ nɔuu nɛ e ngɛ fiɛɛe ha nɔ ko nɛ e le lɛ.

Ke o kase nɔ́ ko nɛ o le kaa e ma nyɛ maa ye bua nihi, nɛ e ma he a yi wami ɔ, mɛni o maa pee?

NƆ KO MA BI KE: “Mɛni he je nɛ Yehowa Odasefohi pɔɔ jeha 1914 ɔ he munyu tumi wawɛɛ ɔ?”

  • Ke nɔ ko bi jã a, mɛni o ma de?

NYA MWƆMI

Baiblo gbamihi, be he akɔtaa bumi, kɛ níhi nɛ ngɛ nɔ yae ɔ tsɔɔ kaa Mawu Matsɛ Yemi ɔ ngɛ nɔ yee. Ke wa fiɛɛɔ Mawu Matsɛ Yemi ɔ he sane kpakpa a, nɛ wa yaa asafo mi kpehi ɔ, wa ngɛ tsɔɔe kaa wa he enɛ ɔ ye.

Mi Nylɔmi

  • Mɛni lɛ ya nɔ benɛ jeha kpaago aloo be kpaago nɛ a tu he munyu ngɛ Daniel womi ɔ mi ɔ ba nyagbe ɔ?

  • Mɛni lɛ ha nɛ o ná nɔ mi mami kaa Mawu Matsɛ Yemi ɔ bɔni nɔ yemi kɛ je jeha 1914 ɔ?

  • Mɛni o maa pee kɛ tsɔɔ kaa o he ye kaa Mawu Matsɛ Yemi ɔ ngɛ nɔ yee amlɔ nɛ ɔ?

Nɔ́ Nɛ O Ma Tsu He Ní

NÍ KPAHI NƐ MAA YE BUA MO

Moo hyɛ níhi nɛ yi nɔ sane ngmali kɛ ni kpahi de kɛ kɔ tsakemihi nɛ ya nɔ ngɛ je ɔ mi kɛ je jeha 1914 ɔ he.

“Be Nɛ Adesahi A Je Mi Bami Bɔni Puɛmi Wawɛɛ” (O Hɛ Nɛ Tsɛ̃!, April 2007)

Moo kane bɔ nɛ gbami nɛ ngɛ Mateo 24:14 ɔ ná nyumu ko nɔ he wami ha.

“I Suɔ Baseball Pe Nɔ́ Tsuaa Nɔ́!” (Hwɔɔmi Mɔ, No. 3 2017)

Kɛ wa plɛ kɛ le kaa gbami nɛ a tu he munyu ngɛ Daniel yi 4 ɔ kɔɔ Mawu Matsɛ Yemi he ha kɛɛ?

“Mɛni Be Nɛ Mawu Matsɛ Yemi ɔ Bɔni Nɔ Yemi? (Fã 1)” (Hwɔɔmi Mɔ, October 1, 2014)

Mɛni lɛ tsɔɔ kaa “jeha kpaago” aloo be kpaago nɛ Daniel yi 4 ɔ tu he munyu ɔ ba nyagbe ngɛ jeha 1914 ɔ?

“Mɛni Be Nɛ Mawu Matsɛ Yemi ɔ Bɔni Nɔ Yemi? (Fã 2)” (Hwɔɔmi Mɔ, November 1, 2014)

a Moo hyɛ nyagbe munyuhi enyɔ nɛ ngɛ Ní Kpahi Nɛ Maa Ye Bua Mo blɔ he ɔ nɛ́ e ngɛ ní kasemi nɛ ɔ mi ɔ.

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane