• Matsɛ ɔ Tsu E We Bi A He Ngɛ Mumi Mi
    Mawu Matsɛ Yemi ɔ Ngɛ Nɔ Yee!

    • 1-3. Mɛni Yesu pee benɛ e na kaa a ngɛ sɔlemi we ɔ he mu woe ɔ?

      YESU ngɛ bu nɛ mi kuɔ kɛ ha sɔlemi we nɛ ngɛ Yerusalem ɔ, ejakaa e le nɔ́ nɛ sɔlemi we ɔ daa si ha. Kɛ je blema nɛ a kɛ sɔlemi we ɔ tsu ní kaa he nɛ a jaa Mawu ngɛ ngɛ anɔkuale mi ngɛ zugba a nɔ. Se e sa nɛ jami nɛ a kɛ ma ha Yehowa Mawu nɛ ngɛ klɔuklɔu ɔ he nɛ tsɔ. Mo susu bɔ nɛ Yesu nu he ha benɛ e na kaa nihi ngɛ sɔlemi we ɔ he mu woe ngɛ Nisan 10, jeha 33 ɔ mi ɔ he nɛ o hyɛ. Mɛni nɛ ya nɔ?​—Kane Mateo 21:12, 13.

      2 Ngɛ sɔlemi we ɔ kpo ɔ nɔ he nɛ Ma Je li ɔmɛ ngɛ ɔ, ní juali hɛ tsuli kɛ sika tsakeli sisiɔ nihi nɛ a ma afɔle sami ha Yehowa a.a Yesu ‘fie nihi nɛ ngɛ ní juae, kɛ ni nɛmɛ nɛ a ngɛ ní hee ɔ tsuo kɛ je lejɛ ɔ, nɛ e sake sika tsakeli ɔmɛ a we okplɔɔ ɔmɛ ngɔ fia si.’ (Mo kɛ to Nehemia 13:7-9 ɔ he.) E kã nihi nɛ a foɔ mɛ pɛ a nɔ́ mi, nɛ a kɛ e Tsɛ ɔ we ɔ “pee ojo fiali a laami he” ɔ a hɛ mi. E sa nɛ jami nɛ a kɛ ma ha e Tsɛ ɔ he nɛ tsɔ!

  • Matsɛ ɔ Tsu E We Bi A He Ngɛ Mumi Mi
    Mawu Matsɛ Yemi ɔ Ngɛ Nɔ Yee!

    • a E sa kaa Yuda bi nɛ a ba sɔlemi we ɔ nɛ a kɛ sika pɔtɛɛ ko nɛ wo to nɛ a woɔ ngɛ sɔlemi we ɔ, se sika tsakeli heɔ sika loko a tsakeɔ sika kɛ haa nihi nɛ a ba sɔlemi we ɔ konɛ a kɛ wo a sɔlemi we to ɔ. Jehanɛ ɔ, e he maa hia nɛ a he lohwehi nɛ a kɛ maa sã afɔle. Yesu tsɛ ní juali nɛ ɔmɛ ke “ojo fiali,” ejakaa eko ɔ, a heɔ sika pe bɔ nɛ e sa kaa a he ngɛ nihi a dɛ.