-
Ke Nɔ Ko Gbo ɔ, Mɛni Si Fɔfɔɛ Mi E Ya Jeɔ?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
3. Moo kase si fɔfɔɛ tutuutu mi nɛ gbogboe ɔmɛ ngɛ
Ngɛ je ɔ mi tsuo ɔ, nihi hɛɛ susumi ekpaekpahi ngɛ si fɔfɔɛ mi nɛ gbogbo ɔmɛ ngɛ ɔ he. Ngɛ anɔkuale mi ɔ, susumi nɛ ɔmɛ tsuo be nyɛe maa pee anɔkuale.
Mɛni nɛ nihi nɛ a ngɛ o kpɔ ɔ mi ɔ he ye kɛ kɔ si fɔfɔɛ mi nɛ gbogboe ɔmɛ ngɛ ɔ he?
Ke o suɔ nɛ o le nɔ́ nɛ Baiblo ɔ tsɔɔ ngɛ sane nɛ ɔ he ɔ, mo je VIDEO ɔ.
Nyɛɛ kane Fiɛlɔ 3:20 ɔ, nɛ nyɛ susu sane bimihi nɛ nyɛɛ se nɛ ɔmɛ a he:
Kaa bɔ nɛ ngmami ɔ tsɔɔ, ke nɔ ko gbo ɔ, mɛni si fɔfɔɛ mi e ya jeɔ?
Anɛ ngmami ɔ tsɔɔ kaa ke nɔ ko gbo ɔ, susuma ko ngɛ e mi nɛ e gbo we, nɛ́ e ya hiɔ si ngɛ he ko lo?
Baiblo ɔ tu Lazaro nɛ ji Yesu huɛ nɛ nyu bi ngɛ e kɛ lɛ a kpɛti ɔ gbenɔ ɔ he munyu. Ke nyɛ ngɛ Yohane 11:11-14 kanee ɔ, mo kadi si fɔfɔɛ nɛ́ Yesu tsɔɔ kaa Lazaro ngɛ mi ɔ. Lɔ ɔ se ɔ, nyɛ susu sane bimihi nɛ nyɛɛ se nɛ ɔmɛ a he:
Mɛni he nɛ Yesu ngɔ gbenɔ kɛ to?
Mɛni nɛ enɛ ɔ deɔ wɔ ngɛ si fɔfɔɛ mi nɛ gbogboe ɔmɛ ngɛ ɔ he?
Kɛ o naa nɔ́ nɛ Baiblo ɔ de ngɛ gbenɔ he ɔ ha kɛɛ?
-
-
O Suɔli Nɛ A Gbo ɔ Maa Ba Wami Mi Ekohu!O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
4. Yesu ha nɛ wa na kaa e ma nyɛ ma tle nihi nɛ a gbo ɔ si
Moo kase nɔ́ nɛ Yesu pee kɛ ha e huɛ Lazaro ɔ he ní fuu. Nyɛɛ kane Yohane 11:14, 38-44 ɔ, nɛ nyɛ susu sane bimihi nɛ nyɛɛ se nɛ ɔmɛ a he:
Kɛ wa plɛ kɛ le kaa Lazaro gbo niinɛ kɛɛ?—Hyɛ kuku 39.
Kaa Lazaro ho hiɔwe ya a, anɛ o susu kaa Yesu ma ha nɛ e kpale ba hi si ngɛ zugba a nɔ ekohu lo?
-