-
“Bua Jɔmi Kɛ Mumi Klɔuklɔu Ya Nɔ Nɛ E Hyi Kaseli Ɔmɛ Tɔ”“Ye Mawu Matsɛ Yemi ɔ He Odase Kɛ Pi Si”
-
-
7 Baa-Yesu te si kɛ si Matsɛ Yemi sɛ gbi ɔ. Blɔ pɛ nɛ e ma nyɛ maa gu nɔ kɛ po blɔ nya nɛ e ngɛ kaa Sɛgio Paulos ga wolɔ ɔ he piɛ ji kaa, e “maa kpale amlaalo ɔ kɛ je hemi kɛ yemi ɔ he.” (Níts. 13:8) Se Saulo be kplɛɛe nɛ kunya yelɔ nɛ ɔ nɛ e puɛ Sɛgio Paulos juɛmi. Lɔ ɔ mɛni Saulo pee? Ngmami ɔ de ke: “Kɛkɛ nɛ mumi klɔuklɔu hyi Saulo nɛ a tsɛɛ lɛ ke Paulo hulɔ ɔ tɔ, nɛ e hyɛ [Baa-Yesu] hɛ mi totooto nɛ e de ke: ‘Oo nyumu nɛ ojo fiami kɛ yayami slɔɔtohi tsuo hyi mo tɔ, mo Abosiami bi, mo nɛ o ji nɔ́ kpakpa fɛɛ nɔ́ kpakpa he he nyɛlɔ, Yehowa blɔ ɔmɛ nɛ a da nɛ o ngɛ mɛ kpɛ̃e ɔ, o be kpae lo? Hyɛ! Yehowa nine fɔɔ si ngɛ o nɔ, nɛ o hɛ ngmɛ ma yu, nɛ o be pu la nae kɛ ma ya su be ko.’ Amlɔ nɔuu nɛ afua nɛ e mi ti kɛ diblii nɔ e nɔ, nɛ e bɔni si tataami nɛ e ngɛ nɔ ko hlae nɛ e ta e dɛ mi nɛ e tsɔɔ lɛ blɔ.”g Mɛni lɛ je nyakpɛ nɔ́ nɛ ɔ mi kɛ ba? Ngmami ɔ de ke: “Kɛkɛ nɛ benɛ amlaalo ɔ na nɔ́ nɛ ba a, e he ye, ejakaa e nya kpɛ e he ngɛ Yehowa tsɔɔmi ɔ he.”—Níts. 13:9-12.
-
-
“Bua Jɔmi Kɛ Mumi Klɔuklɔu Ya Nɔ Nɛ E Hyi Kaseli Ɔmɛ Tɔ”“Ye Mawu Matsɛ Yemi ɔ He Odase Kɛ Pi Si”
-
-
g Kɛ je hiɛ ɔ kɛ yaa a, a bɔni Saulo tsɛmi ke Paulo. Ni komɛ tsɔɔ kaa e kɛ Roma biɛ nɛ ɔ bɔni ní tsumi konɛ e kɛ wo Sɛgio Paulos hɛ mi nyami. Se benɛ Paulo je Kipro ɔ, e ya nɔ nɛ e kɛ biɛ nɛ ɔ tsu ní. Enɛ ɔ tsɔɔ kaa pi Sɛgio Paulos hɛ mi nyami womi he je nɛ e ha nɛ a kɛ biɛ nɛ ɔ tsɛ lɛ ɔ. E hla kaa e kɛ e Roma biɛ nɛ ɔ ma tsu ní ejakaa a tsɔ lɛ kaa “bɔfo kɛ ha je ma amɛ.” Jehanɛ hu ɔ, e ma nyɛ maa ba lɛ kaa e kɛ biɛ nɛ ji Paulo ɔ tsu ní, ejakaa bɔ nɛ a tsɛɛ e Hebri biɛ nɛ ji Saulo ɔ ha ngɛ Hela gbi ɔ mi ɔ kɛ Hela munyungu ko nɛ e hɛɛ we sisi numi kpakpa a kɔ.—Rom. 11:13.
-