• ‘Ke A Hla Mawu Se Blɔ ɔ, A Maa Na Lɛ Niinɛ’
    “Ye Mawu Matsɛ Yemi ɔ He Odase Kɛ Pi Si”

    • 13. Mɛni nɛ Paulo de ngɛ bɔ nɛ je mluku ɔ plɛ kɛ ba ha a he, nɛ mɛni nɛ e munyu ɔ tsɔɔ?

      13 Mawu bɔ je mluku ɔ tsuo. Paulo de ke: “Mawu ɔ nɛ e bɔ je ɔ kɛ níhi tsuo nɛ ngɛ mi ɔ, lɛ nɛ́ e ji hiɔwe kɛ zugba Nyɔmtsɛ ɔ, e hí sɔlemi wehi nɛ a kɛ nine pee mi.”d (Níts. 17:24) Pi nɛ je mluku ɔ ba ngɛ e dɛ he kɛkɛ. Anɔkuale Mawu ɔ ji nɔ nɛ bɔ ní nɛ ɔmɛ tsuo. (La 146:6) Lɛ ji hiɔwe kɛ zugba a Bɔlɔ, nɛ e be nyɛe maa hi sɔlemi we nɛ adesahi ma a mi. Mawu nɛ bɔ hiɔwe kɛ zugba a be kaa Atena aloo mawu kpahi nɛ́ ja a ma sɔlemi tsu kɛ ha mɛ loko nihi ma nyɛ maa wo a hɛ mi nyami ɔ. (1 Ma. 8:27) Paulo munyu ɔ ha nɛ e pee heii kaa anɔkuale Mawu ɔ nɔ kuɔ kulaa pe mawuhi nɛ a kɛ nine pee, nɛ́ a naa mɛ ngɛ sɔlemi tsuhi nɛ a ma kɛ ha mɛ ɔ mi ɔ.​—Yes. 40:18-26.

  • ‘Ke A Hla Mawu Se Blɔ ɔ, A Maa Na Lɛ Niinɛ’
    “Ye Mawu Matsɛ Yemi ɔ He Odase Kɛ Pi Si”

    • d Hela munyu nɛ a tsɔɔ sisi ke “je ɔ” ji koʹsmos. Hela bi ɔmɛ ngɔɔ munyungu nɛ ɔ kɛ kaleɔ je mluku ɔ, se behi fuu ɔ, Baiblo ɔ kɛ munyungu nɛ ji koʹsmos ɔ tsuɔ ní kɛ daa si ha nimli. E ma nyɛ maa ba lɛ kaa sisi numi nɛ Hela bi ɔmɛ hɛɛ ɔ nya nɛ Paulo ngɔ munyungu nɛ ɔ kɛ tsu ní ɔ nɛ, konɛ e kɛ Hela bi ɔmɛ nɛ ya nɔ nɛ susu níhi nɛ a kɛ lɛ kpa gbi ngɛ he ɔ he.