-
Yehowa Munyu ɔ “Ngɛ Wae Nɛ E Ngɛ Hɛ Mi Yae” Ngɛ Si Temi Kɛ Womi Tsuo Se“Ye Mawu Matsɛ Yemi ɔ He Odase Kɛ Pi Si”
-
-
“Basabasa Peemi Nɛ Mi Wa Ko Ba Te Si” (Ní Tsumi 19:23-41)
“Nyumuhi, nyɛ le saminya kaa ní tsumi nɛ ɔ lɛ e wo wɔ ní.”—Ní Tsumi 19:25
16, 17. (a) Moo kale bɔ nɛ Demetrio ha nɛ basabasa peemi ɔ je sisi ha ngɛ Efeso. (b) Mɛni Efeso bi ɔmɛ pee kɛ tsɔɔ kaa a peeɔ kpɛii ngɛ a susumihi a he?
16 Jehanɛ ɔ, nɔ́ nɛ Luka ngma a ha nɛ wa na blɔ nɔ nɛ Satan guɔ nɛ e kɛ basabasa peeli tsuɔ ní. E ngma ke: ‘Basabasa peemi nɛ mi wa ko ba te si kɛ kɔ Blɔ ɔ he.’ Pi nɛ Luka ngɛ nɔ́ he zã woe.e (Níts. 19:23) Sika hiɔ ga ní tsulɔ ko nɛ a tsɛɛ lɛ Demetrio ɔ ji nɔ nɛ ha nɛ basabasa peemi nɛ ɔ je sisi. Kekleekle ɔ, e kai ga ní tsuli kpa amɛ kaa e sa nɛ a jua wɔhi konɛ a kɛ ná sika. Jehanɛ hu ɔ, e de ke, Paulo ngɛ fiɛɛe konɛ e kɛ ha nɛ sika nɛ a ma ná a nɔ nɛ gbɔ, akɛnɛ Kristofo ɔmɛ ja we wɔ ɔ he je. Nɛ lɔ ɔ se ɔ, akɛnɛ e le kaa nihi nɛ a ngɛ lɛ tue bue ɔ kɛ a ma a fĩaa he je ɔ, e bɔ mɛ kɔkɔ kaa, ke nihi bu Paulo munyu ɔ tue ɔ, a be a yo mawu nɛ ji Atemis kɛ sɔlemi we nɛ e he biɛ nɛ a ma kɛ ha mawu nɛ ɔ ‘bue hu.’—Níts. 19:24-27.
-
-
Yehowa Munyu ɔ “Ngɛ Wae Nɛ E Ngɛ Hɛ Mi Yae” Ngɛ Si Temi Kɛ Womi Tsuo Se“Ye Mawu Matsɛ Yemi ɔ He Odase Kɛ Pi Si”
-
-
e Ni komɛ tsɔɔ kaa benɛ Paulo de Korinto asafo ɔ ke, “wa hɛ be nɔ po kaa wa maa hi wami mi” ɔ, e ngɛ si fɔfɔɛ nɛ ɔ nɛ ya nɔ ngɛ Efeso ɔ he munyu tue. (2 Kor. 1:8) Se kɛ̃ ɔ, e ma nyɛ maa ba lɛ kaa e ngɛ si fɔfɔɛ kpa ko nɛ e ngɛ oslaa wawɛɛ ɔ he munyu tue. Benɛ Paulo ngma kaa e “kɛ lohwe awi yeli nɔ kunɔ ngɛ Efeso” ɔ, e ma nyɛ maa ba lɛ kaa e ngɛ kunɔ nɛ e kɛ lohwe awi yeli nɔ ngɛ fiɛmi he ko ɔ he munyu tue aloo eko ɔ, e ngɛ yi mi wami nɛ nihi kɛ ba e nɔ ɔ he munyu tue. (1 Kor. 15:32) Sisi numi enyɔ nɛ ɔmɛ tsuo ma nyɛ maa pee anɔkuale.
-